“陳小強的一百種死法”
第五集 (鍾哥三部曲)
《鍾哥三暗器 (首部曲)：紙巾現身》
《The Weapons Of Chung : The Fellowship Of The Tissue》
在神秘的史前時代，黑暗魔王陳小強係坑渠世界的領袖, 每日都會派出大量手下到人類世界四處掠奪食物. 雖然人類想盡辦法阻止, 但是陳小強的手下數目實在太龐大, 單憑人類的弱小力量根本就無法阻止. 在大多數時候, 人們都只能眼睜睜看著那些怪物把自己的食物拿走. 人類都生活在痛苦之中……
一天, 陳小強的手下又再次出動前往搶劫食物. 而目標正是樂意村 – 樂意族人既聚居地. 可能係已經集慣了被搶掠既關係, 所有族人都無反抗, 只有無奈地看著. 而他們的領袖 ─ 鍾哥亦深知無力反抗, 只有無奈地站在一旁抽煙. 係呢個時候, 一名陳小強的手下向鍾哥走近…
陳小強手下甲: ｢你食緊咩呀?｣
鍾哥: ｢…煙囉…｣
陳小強手下甲: ｢食煙咁寸!? 充公~! 攞晒你d煙出黎~!｣
鍾哥: ｢喂~ 大佬你搶野食好啦, 唔好R煙好喎~｣
陳小強手下甲: ｢丫~ 你老尾你咁多野講, 即係唔俾啦~ 兄弟! 郁佢~!｣
就係咁, 鍾哥就俾佢地打左一餐, 而佢好辛苦儲錢先買到既煙仔亦被搶去…
自此之後, 鍾哥就每日都致力研究對付陳小強與及其手下既方法.
有一日, 佢發現左屋企度有一塊過左期既餅, 佢一路食住塊餅一路就係度諗, 越諗就越覺得奇怪…
鍾哥: ｢咁奇怪既…明明d野食俾班怪物攞晒架……點解仲會有塊餅剩架呢? …………咦~!｣
鍾哥一望向枱頭就明白晒喇! 枱上面就只有一張紙巾, 而塊餅就係用呢張紙巾包住架啦.
鍾哥: ｢我明白喇~! 就係呢張紙巾~! 就係呢張聰明紙巾喇~!｣
鍾哥知道陳小強手下唔攞呢塊餅走, 係因為佢地怕左呢張紙巾. 而呢張紙巾其實係鍾哥好耐之前行街果陣, 見到有張紙巾係地下度, 上面除左‘聰明’(clever)兩個字就咩都冇, 見仲幾新淨下所以拾番黎用既. 不過呢d都唔重要, 重要既係呢張聰明紙巾擁有住無窮既神秘力量, 應該可以用黎對付黑暗魔王陳小強.
鍾哥同其他族人講話要以呢張聰明紙巾黎對付陳小強, 但係所有人都唔相信用一張紙巾就可以對付到陳小強. 所以鍾哥就唯有自己一個出發去搵陳小強.
佢打開個坑渠蓋, 一跳就跳左入去坑渠世界. 一入到去…
鍾哥: ｢嘩~ 屌你個蘿友丫~ 咁撚臭既!?｣
佢立刻拿出聰明紙巾充當口罩, 以便呼吸. 係呢個時候, 一名守衛發現左鍾哥…
陳小強守衛甲 : ｢你做咩呀!? ……………下!? 呀! 救命呀~!｣
守衛一睇見到張聰明紙巾就即刻嚇到走夾唔抖, 咁樣就証明左聰明紙巾的確擁有住無窮既神秘力量可以對付陳小強, 亦都令鍾哥信心倍增.
鍾哥沿途一路行, d怪物一見到張聰明紙巾都嚇到雞飛狗走…
都唔知行左幾耐, 鍾哥終於見到一座城堡. 上面有個牌寫住…
鍾哥: ｢“坑渠世界黑暗魔王陳小強宮殿”~!? 哼~ 係呢度喇~!｣
鍾哥佢立刻衝入去. 一入到去就見到陳小強係度煲緊煙… 鍾哥一手拎起張聰明紙巾就衝埋去陳小強果度…
陳小強: ｢下!? 聰明紙巾~!?｣
鍾哥: ｢哼~ 知驚未? 你死期到喇~!｣
陳小強: ｢哈哈哈哈…… 超~! 我作為“坑渠世界黑暗魔王陳小強”係唔會怕一張咁既壞鬼紙巾既~!｣
鍾哥: ｢下!? 咩話!? 你唔怕!?｣
鍾哥見陳小強鎮靜非常, 毫無懼色, 已經放棄消滅陳小強既念頭…
就係呢個時候, 一陣冷風吹過, 鍾哥著得太少衫, 所以覺得好凍, 打左幾個乞嗤. 佢隨手就用張聰明紙巾黎抹鼻涕, 再好隨手咁掉左張聰明紙巾…
點知…
一陣冷風又再吹過, 而呢陣風就將果張染滿鼻涕既聰明紙巾吹起, 仲向住陳小強迎面咁‘車’埋去…
陳小強: ｢呀…!｣
張聰明紙巾染滿左鍾哥既鼻涕, 所以就咁‘痴’左係陳小強塊面果度…
陳小強: ｢呀~ 蚊唔開既~!? 呀~ 好核突呀!｣
｢彭!!!｣
陳小強: ｢呀~!｣
｢彭!!!｣
陳小強一心想弄走係佢面上既紙巾, 但係因為佢睇唔到路, 所以碌落樓梯就咁就死左……
─ 待續 ─
文章定位：
