24h購物| | PChome| 登入
2005-01-02 00:23:56| 人氣96| 回應0 | 上一篇 | 下一篇

2004 to 2005

推薦 0 收藏 0 轉貼0 訂閱站台

呢幾日凍到抽筋...好凍好凍...連屋企0既兩隻小狗都唔可以沖涼住...污糟事小、泠親事大...佢兩個九十幾歲...唔受得ka....

除夕夜都唔知去邊去...尖嘴、銅鑼灣、蘭桂芳,又係呢D地方,又要同人逼,最怕唔知逼到幾時至返到屋企...second question:唔知食乜---中餐?(唔通酒樓?)西餐?(0岩0岩食完bor...)日本餐?(咪搞...呢排我屋企勁鐘意食...我陪佢0地食咁多魚生仲未肚痾已經偷笑...)咁食乜?....天寒地凍,都係打邊爐;地點係吉吉家,同吉爸吉媽仲有小吉齊齊打,四條友”十下十下”...其實唔係第一次去吉吉家,吉爸吉媽好nice,但係今次好似特別開心,上到去即刻有老火湯飲,仲有吉媽特別為我準備0既淡味湯底...老實講真係好飽...之後仲一齊睇<<功夫足球>>同埋<<水滸無間道>>。但係打攪人0地咁耐始終唔好,唯有同小吉出番尖嘴湊0下熱鬧,仲倒數埋tim...就係咁又一年...wish all of you happy new year ^_^

元旦日,好乖咁同屋企人過;小弟就快走,同佢食最愛0既pissa,夜晚就食我父母呢期激buy既日本餐(又係...)好彩今次D野食OK,尤其紅燒三文魚頭真係無得頂~但係我真係好‧唔‧鐘‧意‧同屋企人過星期六晚---因為英超聯---霸住部大電視!!!我真係十萬個唔明解why why雄性都鐘意足球、尤其英超!!!最死我媽咪有時都睇埋一份,三條友睇到鬼殺咁嘈...我頂!!!今晚仲要係車仔VS阿仙奴...搞到我自己匿0係房睇叱0它....



順帶一提:之前篇OD只係upload左三粒鍾,已經有超過廿人(not including me)睇0左...比其他article多好多...似乎大家0既口味/taste都與我不相伯仲...ha ha ^__^

我要檢舉
台長： 約瑟芬‧卡珞萊
人氣(96) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文