24h購物| | PChome| 登入
2004-11-01 21:08:09| 人氣61| 回應0 | 上一篇 | 下一篇

淺談美國總統(及其他地方?)選舉

推薦 0 收藏 0 轉貼0 訂閱站台

話明「淺談」,就真係講少少;由大學至今我也懶得找資料,更何況家0下吹水唔抹嘴?

今屆總統大選,有兩大特色:

第一:兩條友都選唔落手,一句講晒「克里不夠迷人、但布殊亦面目可憎」,咁即係點?其實我唔滿意克里0既表現,首先,直到第一場電視辯論我先至稍為清楚佢0既立場係乜---一個連自己0既戰場都無0既人點同人打?想同對手「埋身肉搏」就要0下0下都走去人0地個戰場打---人0地個戰場梗係有利佢自己la!咁你跳入去咪又盞死?仲有,當兩位候選人都高呼「美國需要強而有力0既領袖」,作為選民,一個立場清晰0既領袖必然相對較「強而有力」。
除此之外,克里真係唔夠狂追猛打,成日放位俾人走;布殊成日話要反恐,所以要打伊拉克,克里應該講清楚:打伊拉克唔係反恐0既全部、只係其中一種方法、仲要係最差0既方法---捉唔到拉登不特止、家0下石油仲咁貴,0黎緊個冬天點過?克里應該指出「飯又開唔到、賊又捉唔到」;而作為總統候選人更要提出「明確的反建議」(但到現在我仲未知有乜反建議)---終於俾布殊左閃右避,令選情拉据。

第二:大家都話今年美國同台灣總統大選0既選民出現前所未有0既分化,而選情亦係前所未有0既接近---個人認為只係大家0既選舉策略已見技窮,為了造成拉距而唯有分化國民以求打低對手....總之聽日就開始投票lai~祝兩位好運~

我要檢舉
台長： 約瑟芬‧卡珞萊
人氣(61) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文