炒粉麵飯 玩得一時得一時,快樂人生好easy! 日落西山下,回家吃飯吧!

211愛的鼓勵 0訂閱站台

昨晚有很多第一次.......

第一次睇903拉闊音樂會

第一次睇陳奕迅903拉闊音樂會

第一次覺得陳奕迅唱歌好唔掂

第一次覺得陳奕迅唱"浮誇"好難聽

第一次覺得演唱會可以咁唔好睇

第一次覺得陳奕迅演唱會可以咁唔好睇

第一次睇完演唱會後絕對唔會買返碟睇

第一次對陳奕迅感到好失望

第一次咁無品咁掉螢光棒

可能對"陳奕迅"有太多期望同期待...........

有很多歌很想佢唱...........如:

抱擁這分鐘
與我常在
我的快樂時代
我什麼都沒有
黃金時代
愈想愈無謂
反高潮
今日
我的世界末日
貝多芬與我
時光倒流二十年
黑夜不再來
當這地球沒有花
綿綿
低等動物
孤獨探戈
黑暗中漫舞
天使的禮物
失戀太少
Shall We Talk
全世界失眠
活著多好
他一個人
人工智能
打回原形(大開眼戒)
謝謝儂
你的背包
明年今日
我有我愛你
人來人往
1874
少見不怪
兄妹
幸災樂禍
十面埋伏
忘記歌詞
猜情尋
開不了心

與及U87內的:
阿牛
葡萄成熟時
不良嗜好
三個人的探戈

好可惜以上所有歌都無唱到..........大家係唔係好想知佢唱左D咩歌.......

我都好想知陳奕迅尋晚佢唱左D咩歌.......有機佢自己都未必知............

雖然一早已經知道今次拉闊音樂會的主題係: DISCO MUSIC

但真係唔洗將所以歌都變晒DISCO MIX 姐??

會展D音響又唔得......陳奕迅又唔知做咩成晚都跟唔到D音咁.......

都聽唔到佢唱咩.......D音樂仲大聲過佢把聲........

最差係唱"浮誇"時.......真係超難聽!!

我剩係想聽佢正正經經咁唱歌咋.......真係係屋企聽碟仲好!!

雖然係"企位"又多人.......但.......

企唔緊要......多人唔緊要......睇唔到佢個樣都唔緊要(因為我前面有座山)

至少起碼你俾我聽到你唱咩啦!!

話就話8點開始........點知8點半先開始.........

唔知唱咩咁唱到10點話完...............真係火都黎!!

結果全場人起晒烘........掉螢光棒........特別係"企位".........

當然都有D傻仔走左!!

最後都迫到陳奕迅出返黎........就連佢自己都覺得尋晚好唔得啦!!

結果終於都正常咁唱返四首半歌.......

浮誇(今次好聽好多)......阿牛.....夕陽無限好.......K歌之王(同劉浩龍合

唱)......同埋麥當當首新歌

如果佢唔出黎唱返........有機真係會拆佢台呀!!

睇完我剩係覺得佢唱左四首半歌!!

不過佢請D嘉賓都幾好唔錯......

有張學友同埋林狗(亞斌知道一定開心死.....因為林狗仲要係唱"流行曲")

仲有好耐無見O既SWING一齊出現...........

當然點都要講埋有果隊唔知點解可以同陳奕迅同台表現的EO2.......

其實只係超憎光頭果個.........以為自己開演唱會.......成日企係台中央唱歌!!

總的來說........安哥時段.......好正!!

陳奕迅......個死肥仔跳舞都幾好笑.......賴型......哈!!

其他時間就........唉!!

最後都要講返句..........陳奕迅........你今次真係好破呀~~~~~~~~

真係"期望越大, 失望越大"!!

臭芬不滿字

註: 不過.......陳奕迅......三月個演唱會.......我都會俾多次機會你的!!
今次睇你做化喇!!