新既一日開始，又係新既一年開始，今日係我第一次釣魚，係以前從來都未試過，一早起身，約左JORDY 9:30P.M.沙田等，佢八點九打黎叫我起身，好在佢打黎，如果唔係一定唔知醒!! 我覺得好奇怪，佢八點九打黎話我知佢已經到左沙田，我都已經覺得好奇怪，一路擔心佢唔知發生咩事，昨晚都冇事架，冇可能今日會咁早到，一定昨晚有D事發生既!! 結果真係預我所料，係有事發生左，唉…..男人永遠都係佢，特別係佢，次次都定力不足，已經唔係第一次喇，佢唔悶我都覺得煩，永遠自找麻煩，佢真係得閑得滯!!
去到大尾篤，都幾多人等車，不過d車都幾密，所以都好快就有車，十一點左右就開始釣喇，有幾次都有魚上釣，不過唔識用力點鈎佢上黎，比佢走左，結果全日食白果，不過唔緊要，下次再黎一定唔會空手而回，JORDY就釣到6條，有一條仲重3斤TIM，另外一條就好慘，連鈎都斷埋，鈎住個魚咀，見佢好痛苦咁掙扎，不過佢話唔可以有惻隱之心喎，結果都係由佢!! 我地釣到差不多六點就走喇，原本同佢一齊食既，不過為左阿VAN，所以我都寧願佢同阿VAN食，費事佢心掛掛啦!! 今日D天氣都幾好，仲好哂TIM，回程時我都成面紅哂，條頸仲好熱，番到去先知哂傷左，塊面同條頸又紅，又熱又痛喎，最衰都係佢，又唔提我帶帽果D，又哂黑左喇!!
今日同JODRY傾左好多野，亦令我諗左好多，佢都已經唔係第一次，點解佢係呢方面係咁失敗呢?? 次次都衰O係女人手上，已經係我識佢呢短短四年內第三次同時一腳踏兩船，見異思遷喇!! 佢真係令我好擔心，我好驚所有男人都會好似佢咁，我好驚TERRY將來會好似佢咁對我，原本我對男人已經唔係好大信心，識左JORDY就更加令我對男人完全失去信心，係TERRY令我有番少少信心，令我知道應該相信自己愛既人，但JORDY咁樣做，已經令我有所動搖!! 諗住佢定左大半年，佢都同我講過會定定性性，諗住下年訂婚，我都好戥佢開心，心諗佢真係定落黎，唔再玩，最終果個都係佢初戀情人!! 點知佢都係敵不過新鮮感，我明白新鮮感對男人係一個好大既誘惑，但都唔駛次次都係咁卦，佢O係呢方面真係一D進步都冇，錯完又錯，永遠都犯同一個錯，真係比佢激死!! 亦因為咁，令我十分擔心TERRY都會咁，心諗唔通呢個係所有男人既通病?? 冇人有例外?? 我真係好驚，當我愈愛佢就愈怕失去佢，我唔想佢將來會好似JORDY咁，所以我同左TEERY講我既諗法，其實我知道應該對佢公平D，唔應該拎佢地相提並論，但我控制唔到自己唔驚唔諗，因為我真係想像唔到如果佢咁做我會點囉!! 佢亦好唔開心我咁諗佢，因為佢兩個既性格同價值觀都唔同，點可以一概而論喎!! 我都明既，我都唔想對佢唔公平，我會盡量唔諗架喇!! 我愛佢，所以應該要信佢!!
文章定位：
