6-14
PREPARE左好多日. 呢日終於出發去我夢想中既埃及
呢日1045PM去到機場...已經好眼訓, 因為我呢日都仲有返工
之後CHECK IN 等上機, 見到團友.......完全係有晒準備自己同自己玩
第一程機係去DOHA, 06亞運既主辦地, 搭9HR, 訓死左
機上食既野......一般啦, 可以食落肚囉...........
個位都OK, 唔會好迫, 又有電視睇~都OK咖!!!
我地坐窗口位, 睇住外面天光, 個天好靚, 係紫紫紅紅咁~正~
6-15
4點幾5點到左DOHA
個天已經光左, 已經有30度...........
等左好耐先過到個IMMIGRATION, 多哈人做野好慢, 好似玩咁
我先知我地SC個IMMIGRATION有幾認真
因為我地要等8個HR轉機, SO我地會有個DOHA LOCAL TOUR
去睇亞運馬術會場, O的馬錫我..........
之後去左蔬菜市場, O的FRUIT好得意, 我都未見過~西瓜勁大個!!!成地都係
我地去睇駱駝....佢地一路行一路屙一路食...
仲去左CARREFOUR, 不過無咩好睇
基本上個TOUR好悶, 唔知做緊咩, 但都打發左我3個HR, 非常好
之後返AIRPORT, 我地認識左"新朋友" ALFRED同SHERINE
成為左我地食飯既伴
當地時間(比HK慢5個HR)1PM我地飛去CAIRO, 3個HR機
去到已經好晚, SO只去了開羅個MARKET
去到咩都好新奇, 的士好得意, 錢好得意, 屋好得意
個MARKET有好多野賣, 但當然開價好貴, 我地係咁殺價, 一殺價就大家都好團結
結果殺價行動成為大家建立友誼既第一步~好好笑
我地係呢度買左好靚既香水樽, 好抵~20LE10個!
THEN我地TRY左個MANGO JUICE, 好正, 真真正正既MANGO JUICE! 只係5LE, 杯野無溝過水
之後就返左HOTEL, 呢晚住HILTON!
間房激靚, 好舒服~~!!!!果然係國際5星級HOTEL
但O的野食就麻啦, 其實呢度O的野食全部都麻 EVEN 唔好食///////////////
不過我地TRY左杯COCKTAIL~好好味呀~~~~~~~~~~!!!
6-16
呢日一早就起身, 去左開羅博物館
入面真係有好多野睇
圖坦卡門. mummy, animal mummy, 椅子, 床, condom, 棺木 etc
拉姆西斯二世有黃色既頭髮, o的女人有一把長長既曲髮
fish的mummy有我兩隻手伸開咁大, crocodile又係咁大
圖坦卡門的面具, 一層又一層的棺木...........所有野都好壯觀
下午我地係遊船食lunch, o的野係我係eygpt最難食既一餐,但勝在景正
係river nile! river nile真係好靚, 有o的tree, 又有o的building
之後就開左5個hr車去洪加達
係洪加達我地去左行market
時間唔多, 買左沙樽(但返到hk nearly 爛晒)同金字塔
仲有postcard 同stamp
我唔知原來連stamp都要講價
真係離譜~俾人呃左好多錢/.
我地遲左返去, 攪到大家遲食飯真係唔好意思
呢晚hotel既水係滴出黎的..........help, 點沖涼?
6-17
呢日我地出紅海
紅海真係好好好好好靚
係十萬個靚
佢個海係清到有幾隻色, 靚到暈
我地上左遊船, o的海風好舒服
有好多海鷗, 我地丟o的魚上去, 佢地幾十隻即刻飛晒過黎~好正~~~
then 去左一個島叫做PARADISE
O的沙好幼, O的水好清, 不過好咸
我嘗試學浮/.....飲左好多水.............但我都係學唔識
之後終於都去玩浮潛
好驚,,,,,ALTHOUGH我有救生衣
SO係咁拉住人地, 人地帶我前進~~咁大個女真係第一次係深海...........
我相信會係THE ONLY ONE
睇過, 就OK了
但我一返上去, 就嘔啦
今日個LUNCH係船既人煮的, 好好味呀~~~好味過HOTEL
下午去玩沙漠四驅車
好"DANG"呀!!!不過又幾得意
我地架車O的COMBINATION幾好, 成程車都好嘈~AHAH
不過呢, 出左少少差錯, 呢日睇唔到"海市蜃樓"
我地好辛苦咁上左個山, 個度好靚, O的山好壯觀 , 但超大風
之後就要我地衝落山...............嚇都嚇死,. 我幾驚碌落山, 好EXCITING呀!!!!
入左村, 睇下人地點係度生活, 睇左隻有385歲同285歲既龜.............
我地仲有去騎駱駝~呢度O的駱駝好乾淨!好乖!
走既時候, 我地有去睇星星, 滿天星星真係好靚, 好似電視機O的卡通片咁.................
我地有團友識睇星, 仲即場講解, 知道咩星打咩星, 好意義好多
呢日係好特別既日子
係我地一齊既5週年紀念
今年, 呢個旅行, 係一份好特別既GIFT, 呢一日, 做左好多我地未試過既野, 真係好開心!!!
6-18
今日係好充實既一日, 我地去樂蜀, 即係當日既底比斯
一早就起身出發去"卡啦克神殿", 一個好宏偉既地方
佢既大廳, 136條柱既多柱廳, 聖殿, 聖湖, 全世界最高既方尖碑, 法老既神像, 所有野都好正
係咁多個神殿最靚既一個
之後去左THE VALLEY OF KINGS, 帝王谷
呢度好熱, 無風咖
VICTOR話會揀呢度做TOMBS, 係因為呢度似PYRAMIDS=.=""
我地去左睇拉姆西斯唔知幾多世既TOMBS, O的壁畫真係好靚
你估唔到係4-5千年之後, 呢度O的壁畫仲有顏色
而且刻得好靚, 將最後審判成幅野刻左上去
之後去左哈特素女王大殿, 佢係EYGPT最偉大既一個女法老
但呢個大殿無咩野睇, 有三四層, 但咩都無
我地坐好好好熱既虫虫車, 屁股熱死左
之後去左睇萬農神殿
呢個神殿真係...得返兩尊神像係度...........個神殿...無左
真係...........天氣又熱, 攪到我係唔想落車影相
最後返左去RIVER NILE東岸既樂蜀神殿
呢個神殿幾靚, 由其是當晚上o的燈亮起時
佢既正門, 係連接住卡啦克神殿既側門, 唔知有幾多公里都有石獅子
呢個神殿o的柱排得好靚, 最得意既地方 , 係佢曾經俾o的基督教既人係度畫畫
最衰我肚痛, 結果無係呢個地方好好地影相
之後我地去左玩馬車遊樂蜀城市
我地深入樂蜀呢個地方, 睇到好多人都好窮
o的小朋友, 有o的好精, 有o的好可憐
我地都有派糖果俾佢地, 但一見到o的小朋友係咁追住我地o的馬車走, 就覺得好危險
個馬伕係咁問我地拎tips, 用既reason千奇百怪, 連幫隻馬拎tips講得出口, 好攪笑
可能係係river nile旁邊既關係, 樂蜀有好多植物, 並唔係一片黃甘甘既沙漠
既上我地返左去我地既遊輪- M/S ROVAL RUBY
隻船都OK~唔係最靚果O的, 但都非常整齊乾淨
我地住311, 岩岩好係劉生既生日, 感覺非常奇妙, 好似係安排好咁
呢一晚有肚皮舞表演
基本上係無咩好睇, 團長俾我地局佢出去同肚皮舞女郎表演, HAHA~好正~
完全係今晚既高潮
之後仲有個人係度不停咁轉轉轉, 轉足半個鐘
好利害
6-19
旅程既第5日
經過4日既旅程, 大家都好累了
今日因為船期既關係, 終於可以係船度抖一抖
我地成日都無咩野做
因為等水壩既水位上升, 我地係水壩呢度停左好幾個鐘
中途有人不停咁係岸上丟O的野上黎甲板賣, 好得意
係我訓覺既時候, 佢地終於睇到水閘開既一刻
但好似無咩好睇
下午我地係船上既BAR度玩CARD GAME, UNO
睇住佢地玩真係好好笑, 劉生經常講埋O的衰野攪到人地輸埋
MIC中途加入, 250分底分, 應該離500分仲有一大段距離, 點知一舖炒起, 岩岩好250分, 就咁輸左
笑到我地死
之後我地係甲板食TEA
尼羅河畔真係好鬼靚, 尼羅河本身就好靚好乾淨, 因為埃及人好保護尼羅河
而且河邊有好多綠色植物, 並唔係全部都沙漠
望住呢O的風景食TEA真係一流
係黃昏既時候, 我地終於有機會落船行下,
係ESNA一個小MARKET行街
係呢度同人講價講左好耐, 就連找錢都可以找十世!
真係唔多唔小都等到我有O的火
得個個幾鐘, 但有4/5時間都係同一間SHOP
但我係呢度買到好靚既披肩同鞋~都算係咁啦
晚上有一個COCKTAIL PARTY
有好多好靚既酒呀~我拎到一杯好好味既酒~好叻~!!!
同佢地玩左一陣就返去先啦我, 因為唔多LIKE嘈既地方, SO就留返劉生係個度玩
佢好似玩得好開心, 仲上左甲板同團長佢地傾計
6-20
今日我地黎到艾德夫Edfu神殿
經過左多柱廳大廳之後, 我地入到去神殿睇壁畫, 劉生好叻咁係度呃左罐汽水
仲有放神像既地方, 勁多人, 我地差O的入唔到去, 係劉生勁叻咁舉起隻手扮VICTOR先入到去睇~
我地仲睇左一幅壁畫, 係阿蒙神, 亦即係繁殖之神既畫, 好多四級野睇=.=
LUNCH返左去遊船, 玩我地既七級豬
HAHAHA好好笑呀呢個GAME
領隊真係領隊, 改不了本性, 係咁講野, 成日升左級做豬, 笑死我地
黃昏去左KOM OMBO果個鷹神殿
原來呢個神殿同唔鱷魚神殿根本係同一個地方, 但WINGON又話咩兩個神殿, 好似俾人呃左咁
但呢度幾得意, 有個古埃及既日曆, 係根據佢地播種既時期設計的
又有個測量尼羅河氾濫既水位既野~仲有CROCODILE既MUMMY
呢度有好多野買~但我地係唔夠時間囉!!!
真係唔開心~好想多O的時間買野
晚上有個阿拉伯之夜, 不過我地無玩到
因為明天要去阿布辛貝ABU SIMBEL
6-21
今日好甘, 天未光3點就起身
因為我地要4點趕到去軍警站
真係好眼訓
6點幾我地去到阿布辛貝
好涼爽~!!!
個神殿好壯觀, 不過比想像中細
入面O的壁畫好靚, 不愧係拉姆西斯二世既神殿, 比其他地方既壁畫都黎得靚
入面有4個神像, 話係每年既2月23日同10月23日都會俾陽光照住, 有機會我都想睇下
我地向門口果個人借左KEY OF LIFE黎影相, 好開心~!!
旁邊有拉姆西斯二世既老婆既神殿
我地係門口, 6個人扮果6尊神像~好好玩
前面有個好大既湖, 係因為要建ASWAN 水壩而形成的
聽說呢個湖既AREA有4個HK咁大, O左嘴
走既時候我地睇到海市辰樓
原來係一個海, 劉生好叻仔咁影到呀~!!
之後去睇未完全的方尖碑
好熱呀, 呢度都唔知係咪多石, 又無雲(雖然我係埃及咁耐都未見過一舊雲), 攪到呢度有成46度
熱到想死
THEN我地去左睇紙沙草畫~學左點整呢O的蘆葦紙~
仲整左O的用古埃及文寫既BOOKMARK,
但佢O的字真係好UGLY, 不禁慶幸我之前係HOTEL整左O的靚靚既BOOKMARK
中午返左去船度沖涼, 就出發去火車站啦
我地去左飲庶汁~好清甜呀!!!
呢O的庶汁係HK飲唔到~多謝團長!
我地又去左買燒雞~~
團長仲靜靜雞去左買炸蝦~我地晚上好好送呀~~~~~~~!!!^0^
係火車上, 咁岩SYLVIA同MIC係我地隔離~結果成晚都係度傾計
知道左好多野
6-22
呢日我地7點就返到去開羅既GIZA區
昨晚實在係訓得唔係幾好
兩個人迫一張床, 攪到今日有腰酸背痛既感覺
我地首先去左睇STEP PYRAMID 梯形金字塔
呢個行程本來唔包咖~VICTOR有帶埋我地去~真開心!
但由於呢個金字塔已經有倒塌既跡象, 所以我地都只可以係外圍影相
之後我地去睇一個建築師的墓
又係睇壁畫
呢度O的壁畫有O的唔同, 之前果O的都係講個法老點樣可以重生, 最後審判
呢度就係講佢地既日常生活
呢個就係前期同後期壁畫既不同
然後我地去睇胡夫金字塔
我地入左第二大既金字塔, 因為最大果個太多人既關係
條路斜到!!!窄到!!! 我一路行一路撞到個頭
又落又上咁....真係好難行呀!!! 仲有, O的空氣又唔流通喎, 勁辛苦~
有O的團友一入去就頂唔順出返黎了~
我有堅持到睇到個石棺^^
之後出返去, 我地就周圍影相, 扮七星戰隊~HAHA
THEN我地去左一個地方係可以一次過影晒三個金字塔的~好正~
我地係呢度騎駱駝! 呢度O的駱駝污糟O的, 臭O的, 仲有高O的
所以當佢起身OR訓但果一下我都嚇死左!
最後我地去睇獅身人面像
呢度唔知點解會有條路連住金字塔, 好得意
我地今日既LUNCH係自費的
我地去左食PIZZAHUT
呢餐係最好食既一餐
係呢度食PIZZAHUT真係好抵
同樣係SUPER SUPREME, 呢度賣40L E
O的味道又差唔多~抵到爛!
上機前最後一個景點係去睇香油
無咩好睇, O的味又唔係好OK
但O的香水樽幾靚就真!!!
終於去機場了~! 好快就飛到DOHA
今次只係要等4個HR
但我地已經好累了
不過係DOHA, 我地又玩下CARD GAME咁, O的時間又過得幾快, 可惜我地中途俾人趕呀!!!
我係DOHA有上網~感覺幾得意!!
終於上機, 我地係機上訓到死左咁, 雖然唔多舒服, 但訓左大半時間係好既!9個HR!!!唔訓點得呀!
終於返到HK...
6-23日下午2.30分抵達香港國際機場
同VICTOR影埋相,
THE END OF MY TRIP
文章定位：
人氣(24) | 回應(0)| 推薦 (
0)| 收藏 (
0)|
轉寄
全站分類:
不分類
