派番自己Easter Holiday既傑作，一共八份international business journals。全班同學得一個fail，我自己就pass左，不過其實我expect自己高分d既，因為放假o個陣我做左好耐，都算好有心機，咁樣我成日都花唔少時間做business既功課，當然想高分d等自己條氣順d架嘛。不過都唔緊要啦，算啦，我拎番份assignments既時候依然好有滿足感，總之我覺得自己做得好啦。呢八份journals只係所有journals既一半，其實而家都一路keep住每個week都做緊，呢d就真係叫做長命功夫長命做啦。到左week13就要交多一次，交晒由week7-week13既journals，一個星期做2份，咁多個星期就即係..我都唔知幾多份啦，唉，但係我點都會努力d做，我計過架啦，而家有既分，再加埋一次既分，就算下次只係僅僅拎到一半分，我都會有total：15/20，所以唔好擔心，最緊要準時做，做到足，15分就係我既。inja叫大家下次要more specific..more justification..more references..more..more..more..etc..哎呀，佢真係多多要求，乜都要多d，寫到至得架，我已經每次都寫打2張紙唔隔行架啦，有時有成3張添架，仲想我點樣呀？d問題成日問what factors contribute to this/that..？which factors best describe the..？但我就永遠睇唔出d factors去晒邊既，even我查晒字典睇晒所有articles，我大多數都做撞下多過真係識做既。然後上堂discuss番個答案，就實覺得自己好白痴，乜原來條問題係咁簡單既，咁樣自己尋晚做到發癲都諗唔到既？點解自己又蠢左既？點解呢？點解呢？？？哈哈哈，自己真係勁白痴，話說我尋晚真係為左一題大家都認為好easy既問題struggle左好耐，到左今朝我都依然唔識，於是亂黎，寫左4、5行字。返到去我問theresia點做，佢竟然竟然竟然答左1/2版紙，唔係o卦？嚇得我丫，究竟係咪香港人永遠做野都等到last minute至一氣呵成嘔出黎，叫你寫一百字就一百字，永遠冇寫多既；而d鬼仔鬼妹就最鍾意慢慢做，懶係well-prepared，叫你寫一百字你就寫三百字出黎呢？係架，佢地就係咁樣架啦，成日犯規！！！整壞晒d規矩！！！明明寫一百字架嘛，你地寫咁多，咁樣咪顯得我寫得好少囉？！唔止ibus架，其實每一科都係咁，好似尋晚submit左o個份slsp咁樣，我click上WebCT睇其他同學d功課啦，嘩，份份都密密麻麻吹到天花龍鳳，未開始睇書唔開始寫已經打擊左一半信心啦。不過，聰明既我終於都攪掂左，嘻，就係唔好理佢地點樣寫，最後我成為十百六十幾個讀SOCIAL SCIENCE AND POLICY既學生之中，第78位submit功課既同學。哈哈哈，雖然我都係臨deadline至upload上去，不過原來仲有一半同學慢過我囉，我唔算慢丫，哈哈哈，好多人比我更慢，好高興..講番ibus，其實每逢星期一都係自己上堂上得最專心既一日，因為全班得我一個香港人，連chinese都冇，想話大家坐埋一齊用國語傾下偈都唔得，所以惟有自己醒目d留心d聽囉，因為好驚miss左d咩都唔好嘛。我發覺有個女同學，佢叫lisa，唔知係咩國家既人黎既呢，佢好有女強人feel，講說話好make sense，好有力，次次inja都buy佢既，佢呢一type真係好適合從商呀，女中豪傑！我就..哈，我都唔知用咩黎形容自己好，不過我覺得自己今日好乖，好好。
文章定位：
