~~~~ 熱愛生命 ~~~~ 我的生活點滴~~~ \(@^v^@)/

21愛的鼓勵 0訂閱站台

昨晚訓覺, 左轉右轉... 突然笑左出黎

因為... 想到萬物都互相效力, 叫愛神的人得益處

咁即係, 我過往所遇到的事, 不論好與唔好, 順或逆, 都有神的心意係裡面

遇到開心事, 呢個好易接受, 亦易理解

遇到失望, 憂心, 煩氣... 的事或人, 都係比我的功課, 叫我在今世好好學習, 不斷改進, 為的是在將來的日子變得更幸福

幸福~~~~~~~~ ^^

 

今日下午, 上司講左d我未能接受, 亦感到極其費解的乜乜乜乜....乜 (唔想打出來)

唔明, 唔明, 唔明... 唔明你點解會咁想, 唔明你點解咁無道理

唔覺得自己做左乜野會令你咁講...

係事實還好, 我唔怕改, 只怕你為左你樽鹽, 害了我...

走出上司房門, 突然覺得, 呢個可能係轉機...

唔高興, 快快找朋友舒解下困擾

感謝主! 有朋友啊, 而且馬上回應 ^3^

 

我好清楚心裡想要的, 只係一直覺得自己無能力, 所以無去追夢

亦唔肯定神比唔比我去追夢 (只怪我平日唔多思想天家的事, 嗚...)

 

要好好祈禱, 唔好走錯路... 年紀大了, 無咁好腳骨力行冤枉路

求神為孩子開出路, 要係你祝福的路... 希望唔好太難行就好了~