＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日約左屈姐一齊出去食野，重點就係叫佢陪我出去行下買野呀～！！
至於今日就約左12:00PM一齊去食晏先，及後先正式起行去買野嚕～！！

而食飯時間主題就係講下大家工作情況，畢竟我地都有一段時間冇見～？！
同時又計劃一下我生日活動計劃，當然我係明白佢對我係冇咩所謂o既～！！
不過我生日飯局方面至今仍然計劃中，始終好多朋友都未夾好個期呀～！！

而今日我地就出去葵芳到行街，事因我又要出左去拎返堆模型車先呢～！！
及後我地就要周圍去搵我堆目標日用品，而呢堆野我又唔係太貴買入啦～？！
所以咪趁佢得閒就叫佢陪我去行下同搵下，最終我都可以搵齊晒呀～！！
畢竟對抗夏天真係要有好多準備，所以是次買o既野都係呢類用品嚕～！！

同時佢又有提到明天會去參加遊行，其實呢樣野對我而言就興趣唔大～！！
不過我都知道身邊好多朋友都會去啦，當然我亦理解佢地o既諗法係點～？！