星期三個日已經有掛風的跡象, 哈… 重記得個日我要去補習, 我係科大quiz 完返荃灣就己經落狗屎… 咁點去呀… 我又唔想買遮…因為之前已經因為落雨而買左兩把遮…而且又唔知邊度有遮買… 所以我就好樣衰咁去park’n shop 借遮la, 係咪好醒呢,hehe, 其實我都係第一次借ga ja… 引起我靈感的係肥姐有一次入科大, 又係落狗屎… 我又要返hssc 考maths005, 所以佢就幫我借左把百佳遮la, 去到個靚仔屋企, 佢都唔知我個把遮係咁猛料, 我話佢知, 佢都覺得好搞笑~^^, 成個師奶咁tim… 星期三個晚真係打風la… 好似係今個夏天第一個掛得最勁的風~~ 咁梗係有好多人想佢打得成八號風球唔使返工, 但係我就無所謂la, 反正都係係屋企溫final…
星期四朝早個風係八點半就除左lu… 本來今日講好左話同hssc d 人去打邊爐ga… 我真係幾想去… 因為都有一段時間無見佢地la, 但係聽日考final… 我又要咩都未溫… 如果考得唔好, 咁會好頹廢ga ma.. 因為之前個sem 都真係考得幾差… 所以忍痛唔去la… sorry ar… 下次我一定會去ga~
不過講就話溫final, 但係就硬係”的”唔起心肝去溫… 成日都走去download 歌, 睇電視, 平日有街去…又見我玩咁多電腦…我真係拿黎衰… 結果hea 到夜晚9 點幾先開始溫… 其實差不多全部係quiz 我係溫過… 而且我覺得佢final 一定考d 溫左都未必識ga 野, 所以我都hea 住溫… 唔知會唔會炒得咁金呢… 但係有d 隔左好耐, 唔記得左la…>___> 死… 得… 溫到二點幾, 重有少少未溫… 就訓la… 諗住聽朝早d 起身溫… 不過梗係impossible la… 次次都係咁講, 但無次做得到…:p
第二日當然又係十一點幾, 岩岩趕得切起身返科大final… 十點幾真係起唔到…唉… 臨場執生就算la, 係地鐵我都好努力咁溫表述, 修辭, 文學是甚麼同埋之前quiz 左個d , 但係實在太多la… 都算揭過… 返到ust… 太早la, 所以我就去拉把溫埋兩個字, 就去LTA 考la, 溫到harding, 一齊坐都好d, 之後又係要隔位坐… 個final 都幾難ga… 好多野佢考ga…都無教過同埋提過.. 都唔知佢問乜… 咁即係蝦我溫書溫得少jei… 食屎ga… 不過好彩個兩題寫essay我都算識, 寫左好多野… 希望唔會太差la… 我真係坐足三個鐘ga… 齋坐都支力死人…final 完, 個頭好開始痛… 好支力… 好似無晒力咁呀… 之後我當然返屋企la… 不過都無訓呀, 買左好多零食返屋企食… 好疲倦的一天呀… 因為平日都好少用腦,哈哈, 好似以前考a-level 咁呀~~o^^o
文章定位：
