車天車地 一個有好多回憶既地方!!!

106愛的鼓勵 0訂閱站台

3-1-10(日)10:00起身，睇電視到11點，再瞓過，1:20起身睇金枝玉葉2，哥哥仍然咁正。

   睇到3點半，開始打日記。

4-1-10(一)早上用水開麥皮，真係好寡，d仔食lunch時，我都沖左杯麵豉湯定下肚，下午出左去圖書車攞hold起o既書，跟住再去吉之島買泥膠，呢幾日吉之島好抵，買野滿一個數加1蚊有野換，我買過500蚊泥膠，加1蚊就送了個咕臣，好抵呀!由於冇帶袋來裝野，所以只好叫佢送貨，等送貨時，又要排隊。

    晚上上第一課比較教育，好悶呀!老師把聲又刺耳，唉…所以成堂掛住同茹貝然傾計。由於食左個肯德基基先返學，覺得好肥，所以放學行路回家。

5-1-10(二)同阿何一齊坐6:10車回家，呢幾個月多左一個習慣，就係同阿何一齊坐車回家後，會去食小食：魚旦/燒賣/腸粉，今日就幫襯了斜路珍珠奶茶間鋪的香場，個結論係唔好食，所以不可一不可再(禁毒宣傳短片的其中一個口號)

6-1-10(三)專登調班由8:30轉5:00，諗住同阿何一齊早D走去行路，點知我係門口同見和媽咪傾計，傾左幾個字，到走時又差不多5:30了，早知唔駛調班。

    食新開的精線，碗麵太大碗，食唔曬，加上我個肚有D唔妥，覺得好脹，可能係因為臨走時食左條香蕉的關係。結果只係食左D餸算了。

    行去坐美乎VAN，沿途講緊19年前今日三仔(雞仔名)前左落街，跟住搵唔番。

    7:00去到葵涌廣場開始行街，行到10:30走，買左幾件平衫，很開心呢!買到平野好開心架!

    坐地鐵出油麻地再行路回家。

7-11-10(四)上嬰幼堂，上蘇靜雲傾開計，先知原來佢已經係10月辭了職，1月LAST DAY，我真係一直都唔知，我話會幫佢問下我學校，因為o黎緊應該會收曬仔，要請人，但應會請全職，而佢只想做支援老師，anyway幫佢問下先。

 

    放學坐小巴出棋社，上到去只得師父同焯賢，你個師父，以為好多人上，結果竟是係咁>.<。跟住去橫崗食拉麵。

 

Ps去廚房時，問起新來的嬸嬸點稱呼，佢話叫春姐，跟住佢話我好熟面口，(ha!原來佢認得我的，佢第 一日來做替工，我已經覺得佢好熟面口，我回想做野經歷，我已估到佢係慈雲山方譚遠良的嬸嬸，應是當年跟校車而認得的，當年跟車已係03-04年的事了，都5、6年了)我話你係保良局做的，跟住佢問我係咪慈樂老師，我話我係常樂架!我問佢幾時開始認得我，佢話我早兩日戴眼鏡時，佢先覺得我面善。

 

  8-11-10(五)放5:30先回家一陣，7:00先出楊震，因為約左7:15睇牙，結果等到差不多8:00先有得睇，醫生話因為有一個d兩人約埋遲到，所以大家都遲曬(呢輪睇三次，三次都要等差不多4個字至8個字)。唉…所以下一次我約6:00睇第一個証，那就不用等了。

 

    醫生話仍未找到第三條血管，佢都唔會咁快放棄住，下一次再試試，不過再搵唔到，以轉界出去用D勁Do既顯徵鏡去睇，最壞打算係脫左佢，佢話我咁後生，應盡量去救。唉…最後會唔會要去箍牙呢?

 

9-11-10(六)放工，2:00做facial，跟住4:00去打HPV針，點知今次佢話唔收卡，所以我要落去攞錢再上返來，之後回家了。

 

 

 

文章定位：

我要檢舉

台長： 車人

您可能對以下文章有興趣

父母六十歲大壽

河源之旅 第一天

韓國之旅 第五天 旅程結速

玻璃船 + party

人氣(81) | 回應(0)| 推薦 (0)| 收藏 (0)| 轉寄
全站分類: 不分類