車天車地 一個有好多回憶既地方!!!

106愛的鼓勵 0訂閱站台

24-10-07(三)lunch又同同替工李老師傾計，講開網上開股票投資戶口一事，咁又分心左，所以少打得好少教案。

放學時先同阿Lo講我班成半班小朋友，放學後都會在樓下公園聚集，好似集會咁，阿媽有阿媽傾，小朋友有小朋友玩，阿Lo話佢以前個班咁樣，好易玩到個心「創」曬，我都有D擔心呢個問題，D小朋友一齊得多，有機會學左其他小朋友既衰野eg：唔好既口問，群黨做D唔好既事，而變得越來越naughty，雖然有d小朋友係公園玩多左，體能好左d，但可以點取捨呢?我希望佢地能以學業為重，唔好成日掛住玩，可能一星期只落公園一、二次，而唔好落咁多。

到陳錦盈放學時，佢又試換完鞋就自己衝落公園，日日都係咁唔肯拖住媽媽先落公園，所以我都專登落了公園捉番佢返o黎，落到公園時，見到好多K2家長同學生，D家長見到我有d就叫小朋友望我，話吳老師o黎左，有d叫我一齊落o黎玩，但那刻我個目標係要捉番陳錦盈教訓下佢先得，佢一見到我，就周圍跑避開我，到我捉到佢時，佢就喊，但我也要拖住佢，拖佢番學校，要佢媽媽再o黎一次學校接佢，先准俾佢走。

我估其他家長見我落o黎捉小朋友，可能會覺得好奇怪，但我陳錦盈媽媽一定會同佢地班家長講番呢件事，以後d小朋友係學校範圍外都唔可以咁放肆，對小朋友o黎講可以起到殺一驚百之效。

雖然坐遲了一班車返教會，6:33上212巴士，但都能係7:00返到教會，因為過了塞車時間，道路暢順得多了，返到去牧師都重係到(佢本來話佢六點幾要離開去開會，所以會交低d文件俾Tracy俾我打)。

今日打得字，打得好有盼望，因為下午我打電話覆牧師今晚會返教會打字時，Tracy約了我打字後一齊食飯，因為做完工作後，繼續有節目，所以好期待快d打完字可以去食飯。

打到9:00就走了，同Tracy行去板前途中，撞到寶文，大家爹左陣，去到板前時，發覺好多人有排等，於是轉移地點去御家，但我發覺我冇打k fun卡，冇85折，咁又好似唔低wor，咁我寧願去食麻布茶坊，但係瓊華樓下收到張御家o既宣傳單張後，發覺10後入座有7折，那時是9:35，於是我地等埋阿勝o黎，先一齊上去食飯，今晚好豐富，d壽司叫滿一張枱，好開心有咁多壽司食，好有滿足感，亦都食得好開心。食到11點就走了。

PS我今日同一個人講話我打字o既收人會奉獻番曬俾教會，呢個人話應該，我答佢呢個唔係應唔應該問題，係甘心同樂意問題，講真我唔係等錢駛既人，所以兼職呢d錢我唔急著去賺，況且返左一日工已經累了，真係重雖要去做partime賺錢嗎?我倒不如好好去享受下!我記得國良講過我地奉獻十分一金錢未必係易，如果要奉獻十分一時間會如何呢?我當時覺得會更難。但呢刻我只想用我既才幹去奉獻返俾教會。Ackie係暑假返o黎時都同我講過，而家工作同學校一齊都安穩頓了，可以諗下做d有意義既事，冇錯我都希望襯呢一年可以用番多d時間奉獻返俾教會。