話頭
做田人上驚siaN2 恁咁知?恁可能袂了
解。毌ku2 佇山城這段日子裡我有真深
的感覺。是啦!Tioh8 親像pe7 母成
(chhiaN5)囝 ,古早人tiaN7-tiaN7 嘛
teh講pe7母飼囝無論飯。囝兒若是平平
安安,做pe7 母的tioh8 歡喜啊。做田
人對每一欉花樹的用心可比是teh成養囝
兒,收成好bai2 是另外一回事,上慘的
是這寡用心栽培的樹欉無繼續活落--
去的價值。
只要樹頭原在、只要樹根koh 佇土地生
湠,希望總--是恬恬藏佇土裡。予人
chhe3 心的是這的社會、這te3 土地已
經無允准樹頭koh 在安穩生長佇伊上親
的家園,毌taN7 樹頭,連樹根也tioh8
離開伊上愛的工作場所--siaN2 人毌
知樹根上興的就是湠根,偏偏伊工作的
這遍土地叫伊包袱仔款款的、轉去食家
己。
TiaN7 -tiaN7 看我的散文的朋友啊!
我想恁一定嘛有真怪奇的感覺,我想恁
一定佇心肝頭teh僥疑:「HehN。這個A-
hi 寫的散文一向攏散散痟痟。Na2 會佇
這篇文章的話頭講遐爾仔深沈哀傷的
話?...... 」免僥疑啦,這篇有影是我
A-hi 寫--的。
雖然A-hi 本chh iaN5 就痟癲痟癲,毌
ku2 若是該認真看代誌的時......,
mai3 ke 講啦。我koh 寫--落-去恁就會
知。
前一暫仔毌管是電視抑是報紙甚至是電
台的放(hong3 )送頭逐(tak8) 不時嘛
teh phiN3-siuN3 政府「九年一貫」的
母語教學。(九年欲做1-pai2 「灌」當
然予人khia 孔。毌ku2 na2 像毌是按
呢。敢食敢tiuN3 ;毌驚人phiN3-
siuN3。敢做就毌驚人講話。毌ku2
chiaN5 濟新聞媒體的批評恁斟酌ka7 聽
看mai7 咧,na2 會攏是烏lok bok
che3 lam7 -sam2 phiN3-siuN3。 ) 九
年欲做1-pai2 「灌」的體制會予人
phiN3-siuN3 是應當皆然的代誌,但是
lam7-sam2 攻擊的結果干taN7 會斬斷台
灣母語教學的根。(這應該嘛是部份媒體
的希望、部份政客的寄望......)
恁ka7 看mai7 咧,正khau 左削,母語
教育佇台灣經過chiah 濟冬的拍
piaN3 ,chiaN5 無簡單才略仔pok -
iuN2。新iuN2 kam2 會kham 得正khau
左削?媒體本底就有教化大眾的責任,
毌ku2 這暫仔的媒體毌知是食tioh8
siaN2- mih8 痟藥?用「疲勞轟炸」的
手段,無影無跡的砲彈一直lian7 一得
射。(有影是「疲勞轟炸」,A-hi 痟罔
痟,無影無跡的代誌伊是毌敢lam7 -
sam2 講哦!)逐 日電視若開,00點~~
00點的in 講的「整點新聞」。我就毌信
1粒仔kiaN2 的台灣有遐爾濟的新聞
thang報?1點鐘的新聞有幾條是「新
聞」?
3點、4點、5點...... 1點翻過1點,
電視37、38、39~1台切過1台。是我頭
眩目暗抑是...... 我koh 轉去迄段出走
的日子。我koh 看tioh8 迄陣里民艱苦
的過去。阿旺伯仔、鬍鬚叔仔、悾--
的、赤跤大仔的憤慨ka7 我吵醒。
原來是看新聞看kah 睏睏暈暈--死。恁
ka7 看mai7 ,這予做新聞啦!日有所
思;夜有所夢。仝款烏lok bok che3 的
新聞;害死山城迄陣人!
會記得欲離開山城chin3 前迄跤踏仔,
赤跤大仔chham 旺伯仔徛(khia7 )佇農
會亭仔跤chham 幹事liong2 kah 面紅光
光。農會迄方面嘛是無奈啦,楊桃銷路
bai2 嘛毌是農會願意看tioh8 的啊。
SiaN2 人會想欲提石頭來hiat8 家己的
跤盤,農民歹過生活對農會來講嘛是一
種負擔。毌ku2 在in koh 按怎樣吵,銷
路bai2 就是bai2 ,汝kui 仙人死予--
伊嘛無效。
9點啊哦!我na2 會遐爾仔好睏,時間
sut 一下就點啊。雖罔已經眠兩三點鐘
啊,毌ku2 我na2 koh 感覺真thiam2 ?
啊知koh 是to2 一個phu7 -long7 -
kong3 的ka7 我吵--醒?
是全民 CALL IN 烏白亂講啦!
SiaN2 ? Koh 是teh 討論母語教育歹實
行的所在。毌ku2 我斟酌ka7 聽到te3
啊,一陣對台語發展的過程認捌無透
的,人攏叫in 是政府官員的人,坐坐
kui 排。一個是比過一個紅聲,講kah
嘴角像蟳(chim5 )仔siuN7 氣的時仝
樣,嘴角全全攏是波。略(lioh8 )仔對
台語發展過程有認捌的人若是聽in 按呢
講,若無吐血我chiah 毌信咧!無影無
跡的代誌對in 迄陣政府官員的嘴--裡講
出--來煞變做na2 像有一枝柄(piN3 )
thang 夯咧。而chhiaN 恁ka7 想看咧,
台語佇這塊島嶼的發展是按怎樣會出現
斷層。Khah 早政府的「國語政冊」誤
tioh8 咱台語的發展kui2 仔十年,
chin2誠(chiaN5 )無簡單台語的火才
koh 漸漸著,但是就是有政府官員、電
視媒體抑是報紙硬(nge7 )欲ka7 這葩略
略仔咧著的火chhong3 予火hoa 去。
尤其視電視媒體佮報紙的力量。現主時
咱台灣每一個家庭99%攏有電視,80%以
上的人攏會看報紙。台灣人所接收的訊
息大部份攏是對這兩項媒體。媒體對人
民思想的教育是夭壽仔驚人的緊
(kin2 ),若是媒體家己有略仔的偏差,
人民的思想嘛的受著牽連。毌ku2 就是
有誠濟媒體變做是政黨鬥爭的工具,烏
亂phiN3 -siuN3。台語發展的成果煞變
成是in khau-se2 的對相。台語才當
koh 欲起步,冷水一大盆就sui5 phoah
落--來。「愛拚才會嬴;無做毌知
影!」台語教育哦,免做人就先欲ka7
判死刑啊!
佇我頭眩(hin5 )腦扽(tun3 )的情形下
我寫出頂面迄段對媒體不滿的話,可能
寫了毌是kai3 齊。像台語的歷史、受壓
迫的過程,連我這的69年次的嘛捌受過
像卦狗排仔的代誌我攏無講著。上主要
的是我teh寫的過程中間,無張持去看著
我khah 早寫的日記。
看對日記內面,我看到迄當時山城村民
將辛辛苦苦所栽的楊桃欉一欉一欉剉
(chho3 )掉、我看到in 所流落--來,毌
咁的目屎。
迄年,卓蘭的楊桃佇農耐心看顧, 徹
底剪除帶病的樹枝 、 葉仔佮果子,果
子攏嘛用紙袋仔long 起--來 , khah
be7 予果子受感染。佇農民的用心之
下,卓蘭的楊桃漸漸行出因為氣候所引
起的細菌性斑點病。農會in 嘛大力推
sak ,予楊桃的行情愈來愈好。
毌ku2 人若是行歹運的時,就算是按怎
樣來拍拚,歹運就是toe3 -tiau5 -
tiau5 。
當楊桃行情愈來愈好的時,也毌知是犯
著siaN2-mih che?媒體所發出--來的消
息講:「根據醫學臨床檢驗証實,楊桃影
響人的腰子。食楊桃恐驚會產生敗腎等
等的症頭......」電是媒體按呢報了
後,農面辛苦的koaN7 佮農會的推sak
親像去hong7 拍入地獄。啊若是楊桃
咧?In 就攏按呢講啊,我看連鬼嘛毌敢
來交官。楊桃的價siau3 是bai2 kah 有
chhun ,連欲送人孝孤人就koh 考慮
哦。總--是逐年攏會替農民chah 來五億
利益的楊桃欉的命運就是連根剉掉。
毌是啦!毌是農民無惜情。恁ka7 想看
咧,栽楊桃欉所愛開的成本嘛真siong
重。楊桃就賣無啊,na2 koh 有閑錢買
肥料。講khah 歹聽咧,食就無夠啊;
koh 想欲曝干。人就kiong5 欲飼boe7
飽啊;na2 koh 有時間管楊桃愛食無。
若毌是講厝--裡有chhun 寡的農民,逐
家攏嘛心頭掠than2 橫,kui-khi3 栽欉
攏剉剉咧,改種別項khah 嬴。
其實根據本草綱目所記載:「楊桃,主
風熱,生瀾(noa7 ),止嘴ta 。」中藥
傳統使用楊桃的根、枝、葉、花清熱止
嘴ta 、生瀾消煩、利尿、解毒、醒酒、
助消化、止血止痛、治風熱咳嗽……等
等的功效 。而chhiaN 聽人咧講,楊桃
若是食濟毌才會引起腰子的病疼。
但是媒體予人民的訊息是:「食楊桃就
有可能引起腰子的病疼」
佇台灣推sak 台語的這陣人boe7 輸是種
楊桃的農民迄樣。推sak 者辛辛苦苦所
拍拚出--來的業績煞因為佮部分人的立
場無相siang5,受著反對者莫名其妙的
khia 孔。
寫到chia ,我koh 想起阿旺伯仔、鬍鬚
叔仔、悾--的、赤跤大仔in 無奈的眼
神;嘛看著台語推sak 者失望的面。
誠久無轉(tng2 )山城看看咧,毌知
chin2 的山城kam2 koh 是滿山楊桃花開
的景緻。台語推sak 運動chin2 koh 繼
續佇這塊失語的島嶼發新簧(hong5 ),
毌知台語推sak 運動的未來kam2 會凍像
番薯落土迄樣,一代傳一代。Che 是我
的寄望-台語推sak者的夢。
文章定位: