Hit-ang3 am7 瓜e5 滋味
A-hi
Tui3 你e5 身iaN2只是公媽廳頭hit 塊神主牌a2 ，Tui3 你e5印像薄li2 絲過hit 張反黃e5 相片紙 ，m7-ku2 na7 看tioh am7 瓜，我long2 e5 想tioh 你。
又koh 是am7 瓜豐收e5 1年，kui 庄a2 頭chim3 ti7 leh8 洗am7 瓜、khau am7 瓜子、phak8 am7 瓜 kap noa2 am7 瓜e5 光景tang 中。豆si7 -a2 chham 米酒chhiau 鹽kap 糖e5 氣味好 chhan 像bong7 霧tah 天。日頭hou7 這種滋味kek kah poah8 loh8 海，日頭hou7 這種氣味siaN5 上山。1日1日，siN7 am7 瓜e5 氣氛si7 gun2 chiah 熱--lang5 e5 記ti5 。
Hit 年 gun2 tau hit 3khu am7瓜田chiaN5 chiaN5-iuN7，toe3 別人大豐收。Gun2 pa-pa 嘴笑目笑hoan-hu3 gun2 tioh liong7 早起床tau3 洗am7 瓜。Ma-ma koh kah 無eng5,厝--nih、 田--e5 雙peng5 走。I hoan-hu3 gun2 tioh kah 有嘴sui2--leh，na7 有人beh 來kau-koan chu3-bun5 am7 瓜？ Tioh sio ka7 an3-nai7, kin2 去田--e5 hiu i tng2--來。我chham gun2 a兄面桶、hou3-suh管chhoan5--leh8,天boe7光tioh theng3候 pa-pa滿滿kui車 e5 am7瓜。
Phak8 am7 瓜e5 時，a兄hiam5 日頭大siuN 熱，kou-kou 走去cheng5 a2 kha na3 涼。大日頭kha tioh chhun 我kap pa-pa e5 身iaN2 。Pa-pa kio3 我幫am7瓜翻身， hou7 in phak8 hou7 chiau5-un5。siaN 人知我kha 手ke7 路，am7 瓜隨--e5 a2 隨--e5 chhia-poah8-peng2 。該peng2 e5 m7 peng2 ，不該peng2 e5 khok-khok peng2 。 Pa-pa 看我chiah-nih8 ham7-ban7 i soah 坐ti7 燒hut-hut 稻程燒kha-chhng。嘴a2 chun3--leh8 chun3--leh8,微微a2 teh 笑。
Pa-pa看我liah8 i 金金看，i 出聲講：「khah 早pa-pa ma7 chhan 像你chiah-nih8 ke7 路。Pa-pa e5 pa-pa ma7 chhan 像pa-pa，坐ti7 稻程微微a2 笑。」
Chhim2頭聽tioh pa-pa 講 i ma7 si7 ke7 路師出身e5,我嘴a2 m7 是微微a2 笑；pak肚mouh--leh8 開始大笑。theng3候我笑thiam2--a，pa-pa 問我講tui3 a公有印像無？「有--a a公死去--lou-a。」我真ti3-tu3 ka7 pa-pa 講我tui3 a公e5 印像。Pa-pa 頭khah tim3 2～3下，然後tui3 我講：「Lin2 a公出山2kang 你chiah 出世，免講你ma7 無印像。」Pa-pa na2講頭na2 tim3,流--loh8-來 ah 知是汗iah 是目sai2 ？
Hit年gun2 tau am7瓜豐收，ma-ma ka7-ki7 siN5 1-ang3 am7瓜留 leh8 ka7-ki7 chiah8。Hit-ang3 am7瓜有 pa-pa ham 我 ti7 日頭kha 留--loh8-來 e5 笑容、有gun2 chham am7 瓜同che5 phak8日脫水e5 汗、有pa-pa tui3 a公siau3-liam7 e5 目sai2、有我tui3 a公e5 記ti5。Koh 有gun2 ma-ma moh8石頭te3 am7瓜時te3 tioh手所流--loh8-來 e5 血。Chit-ang3 am7瓜有chap8-chhap e5原料saN-thiN，m7-ku2 我chiah8--tioh8-e5 long2是tui3 a公e5 記ti5 。I 是我beh 出世e5 kui2 kang 前，踏tioh i e5 3輪車去城--e5 boe7 am7瓜 e5 時hou7 車long3--死，hit-chun7 我iah boe7 出世。
文章定位：
