24h購物| | PChome| 登入
2016-05-30 16:40:39| 人氣1,676| 回應13 | 上一篇 | 下一篇

森情日記 之 暈陀陀

推薦 2 收藏 0 轉貼0 訂閱站台

吹到暈…

若然真的財多身子弱，我都甘森去承擔呢句說話…最弊就係連森伯呢啲赤貧長者都要承擔身子弱呢！人哋就踎低起身見頭暈啫～森伯就瞓低起身見頭暈，其實都唔係有咩特別，通常晚上瞓得唔好就有咁情況，加上又被風扇的風忽吓忽吓的吹，頭暈暈都在所難免！暈的感覺都幾難受，望到的景象都係天旋地轉，不過起身一會就會減低暈的情況！可能過累都係原因之一，所以昨日主要時間來個床上休息，可能同休息唔夠有關，不久後漸漸好轉…

 

熱到暈…

其實差唔多去到六月份，要熱都唔奇，之不過呢一兩日又特別熱，有時一涼一熱就會好易病，今早就聽到人講喉嚨痛、作病等等之類！其實一到夏天，好多人都希望匿在冷氣間，但冷氣間同外邊氣溫又差好遠，又熱又凍都好易病，呢個時候應該醫生好生意…有時望到天朗氣清就會覺得好醒神，但換轉係夏天出現，就只有一個熱字！


藥到暈…

每到一轉季，就會有好多人需要搵醫生救救，所以呢幾日都有很多與藥有關的新聞，平時甚普通的幾樣中草藥，菊花、杞子、金銀花等等，都驗出有多種殘留農藥…早幾日前都有報導講，某隻大牌子的麥片都驗到有殘留禁藥，所以都要所有下架！唔好話只得中草藥，就算成藥都唔可靠啦～有某位女星疑似食了減肥藥猝逝，又有外地婦人食了冬蟲草產品而不治，所以無論咩藥都好，若然唔需要就唔好亂食！

最主要都係平時好好顧掂身體，基本上就唔需要食太多藥嘅…

我要檢舉
台長： 森源

您可能對以下文章有興趣

人氣(1,676) | 回應(13)| 推薦 (2)| 收藏 (0)
全站分類: 心情日記(隨筆、日記、心情手札)

我要回應
搞一爺
吹……暈……好似低血壓呀？
熱……暈……小病難免。
藥……暈……食咗都唔知，冇得避。
我怕食苦藥，減肥藥、中藥材都唔食，咪要盡量過得健康。
2016-05-30 20:58:43
版主回應
乜低血壓就會吹暈咩?!!其實唔係時時會咁...
你講的完全認同,尤其有問題的藥或食物,真係避都避唔到~~
我都係啦!!就係唔想老來食太多藥,所以現在儘量食得健康,都冇話一定得,不過好過唔做咋~~
2016-05-31 09:14:13
stella luk
我出入冷氣間都打乞嗤呀！總之大家都是小心保重囉！
2016-05-30 23:34:27
版主回應
人的體溫唔可以太快適應溫差,一冷一熱就會好易中招,要多多保重~~
2016-05-31 09:08:44
ohtria
我呢一年時不時都暈,做咗好多檢查都未搵到原因.
2016-05-31 05:12:33
版主回應
我認識的人都有咁情況,佢話係耳水不平衡,所以家中常備醫生開嘅藥!!
你會唔會太少休息!!...
2016-05-31 09:13:18
ykk
吹到暈 ~ 可能是貧血! 當睡時感覺有暈眩時, 可試吓用pillow戰高雙腳, 等血氣流通.
2016-05-31 10:03:37
版主回應
貧血咁嚴重?!!應該唔係...其實呢個情況可能係中醫所講的入到風,所以造成個人唔舒服,可能不時要搽吓老人香水(驅風油)先得XXD

或者下次再遇有呢個情況,試吓你呢個方法,用枕頭墊高雙腿,等佢血氣流通...應該平時做吓都唔錯,謝謝
2016-05-31 12:05:50
如心恕也
記得在港看醫生說自己間中有暈暈的感覺，誰知那醫生幾緊張，他說暈對女性只屬普通問題，但對男的就大件事了….
幾年後再檢便發現到我的心律不正常，並要立刻入院做心臟起搏器手術。
2016-05-31 12:00:01
版主回應
去到咁嚴重?!!...的確有很多大病起初都以為小病，所以樣樣都係小心為上…
我呢個情形由細到現在間中都有～係作傷風感冒先兆，只要唔用冷氣風扇，畀自己出吓汗，飲多少少水就冇嘢……
你都要多多保重，凡事唔好太緊張太操勞…睇你都應該識得放輕鬆~~哈哈
2016-05-31 14:15:45
Gael
咁森兄真係要好好保重身體,百忙中要多抽時間休息
2016-05-31 12:26:11
版主回應
多謝關心…平時都已經好好保重身體架嘞～或者休息時間就要徹底抖吓…
2016-05-31 14:16:09
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2016-05-31 14:05:49
版主回應
謝謝新聞台的支持,將此圖列為熱門圖片,稍後會到圖片區塊看看,希望你仍繼續多關注~~
2016-06-01 09:12:26
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2016-05-31 14:28:35
版主回應
謝謝新聞台的欣賞及支持,會繼續寫好博文,會到哈燒文章區看看!!希望你們日後仍多多支持森blog~~
2016-06-01 09:15:06
ykk
熱到暈 ~ 近年周圍都有電動風扇仔買, 講真, 真係很有幫助.
2016-06-02 09:57:47
版主回應
平時出街好少拎,記得早前因為有需要用才買!!的確好過用紙扇撥...
2016-06-03 10:53:59
ykk
藥到暈 ~ 而家D人好攪笑, 日間亂食亂玩冇節制, 得閒無事就想搵番D草藥補品. 藥物須求多了, 自然有不法的人去謀財! 森兄, 大吉利是如果弱到暈, 都唔好亂食市面成藥.
2016-06-02 10:11:36
版主回應
你講得好啱~~寧願吃藥都唔肯唔亂食嘢!!可能就係有太多人信呢類成藥補品,一有啲唔妥就搵呢類藥解決,好唔理智~~~
我唔會亂食藥,除非醫生開就冇得好講啦...
2016-06-03 10:59:55
kaka
雖然只是頭暈，但也要找醫生check check
呀！掉以輕心呀！
2016-06-03 22:46:16
版主回應
森伯為人蛇龜，身體事唔會掉以輕心…
Body check…一向都有
2016-06-06 09:33:10
kaka
不要掉以輕心呀！
咁而家仲有冇見頭暈呀？
2016-06-03 22:52:39
版主回應
唔係成日頭暈，通常係作感冒的先兆才會…
2016-06-06 09:33:44
狂小子Time Is Changing
要好好保重身體哦！
2016-06-05 14:52:56
版主回應
多謝關心～年紀大幾時都要保重身體…
2016-06-06 09:33:57
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文