「森」情小品文 ...

323愛的鼓勵 503訂閱站台

諗諗都好耐冇咩寫到食經…正確來講好耐冇寫健康飲食經，雖然日誌冇寫啫，但係仍是日日都堅持己道…其實唔堅持都唔得喇～～俗語有話：年紀大；就乜乜壞，相信唔駛森伯講，你都識接落去啦！！

早前睇到報紙報道，唔知係危言聳聽或是大造文章，若然常常外出用膳，唔係講日日食嗰種喎…係講就算一星期在外邊食一兩餐，都可能增加患慢性病的風險，因為外邊的飯菜：油、鹽、糖都可能高出一日攝取量…如果餐餐外出食咪...?!

所以餐單調味自己話事就最好…我哋平時蕃薯就食得多，至於蕃薯葉就比較少食到，咁我又唔知蕃薯葉有冇季節性（因相片不是近期拍！），其實蕃薯葉比較粗糙，唔算好入口！而且一食就知是粗…粗…粗纖維，如果想排毒應該幾好！不過佢好有益，家陣食菜好多人都驚農藥問題，聽聞蕃薯葉應該冇呢方面的問題，因為葉厚蟲很少會蛀食…所以落農藥的機會唔大，而且蕃薯葉好粗生，不用打理都可以生到茂盛，我之前玩玩吓都種過蕃薯葉啦！真係好粗生架～

聽過有人講，人有時好蠢，把最好的部份就畀動物牲畜食，自己食的就最差…當然人就唔認為啦！！米糠就用來餵豬，白米就自己食…其實大家都知白米係最唔健康的部份…就好似蕃薯葉，以前的人都好少會自己食，多數用來餵豬～而家的人都要開始講健康，蕃薯葉又變為健康菜，雖然口感真係好麻麻，但講到咁健康點都要夾多兩箸，有時當吓自己係豬真係健康粗生好多……哈哈哈哈