「森」情小品文 ...

323愛的鼓勵 503訂閱站台

以下的內容帶點色情、帶點血腥…膽小者勿繼續看～～

 

在這個仲夏雨水多的時候，好容易就會滋生昆蟲仔！！可能又住近山，一向家中都有些少「甴患」，當然夏季呢個時候更甚，最近都見到很多曱甴BB在廚房徘徊……肯定呢個時候就係佢地的黃金繁殖期！！今日，終於畀森伯見到……佢地仲唔斷正！！……..

 

事緣今早臨出門口前，走入廚房食個早餐，畀森伯見到一對曱甴在蕃薯上搞野（講得文雅一點“交配”）！！不得了～～於是靜靜雞得來又要快速，把蕃薯拎起…兩隻小鬼都想九秒九鬆人，可惜佢地尾貼尾冇咁易走得甩…森想如果兩隻同性都可能放佢地一馬……但在臨返工之際，唔通拎佢地驗DNA鑑辨性別咩？！！一於格剎勿論，萬一走甩生埋一大鬥未弊！！咁就用最人道方法即時處決…….

 

森伯唔能夠婦人之仁，始終曱甴都是害蟲，用過很多方法…無論殺蟲水，殺蟲藥，什麼偏方等都無長期效用，現在唯有見隻殺隻！！減少佢地的出生率，已經可以少很多蟲害了…..

 

今篇插圖唔知點構思，唯有畫個Cute版森伯頂住檔先！！