尋晚買左本雜誌、介紹左幾個牌子我都好鍾意，所以又係時候搵彈藥將佢地掃哂返黎！近排成日都搵左好多關於Scratching既Movie，睇完當然覺得呢班DJ好勁啦！簡直就係嘆為觀止！
有朋友問我，知唔知乜野係Linkin Park？哇！你真係當我鬼盤丫？佢地個名咁響，而家威過Limp BizKit咁多，又點會唔知喎！係喎！講開Limp BizKit，佢地好似出左隻新碟啵～不過我都係對Rock味咁重既野冇乜興趣！依舊奉行Break Beat主義！吹咩？
跟得夫人，呢樣野就真係無可厚非既，幾時興聽乜就聽乜野，幾時與著乜就著乜野，我最希望香港既《潮流雜誌》、將人地唔興既野吹得行D，好似Dunk咁，俾你地煲到天上有地下無咁，有咁高炒咁高，咁就至Perfect喇！不過，Pink出新碟，我又好擔心被香港班垃圾DJ播到爛哂！一陣好似Dido首《White Flag》咁樣就陰公囉～
香港人不嬲都係鍾意抄日本架啦，我都唔明有乜好抄，日本抄美國，香港又抄日本，咁做乜唔直接D抄美國o者？抄？點解自己唔諗？係無乜創意，定係無撚用？好似香港有個地頭蟲叫Double Dog咁，佢搞品牌冇乜野，但係個名可唔可以唔好咁「行」呀？真係好撚「行」呀！我聽完個名都唔想買你件貨！我地需要既係創意呀～俾少少啦！大佬！
其實我都明白香港人點解鍾意聽Ｋ歌架，一來，D歌詞易明白，知道首歌係唱緊乜野，二來，易上口丫嘛，三來，大家三五成群，無個好人咁可以去唱Ｋ發洩一下丫嘛！久而久之，大家咪做左井底之蛙囉！不過有樣野又好搞野架啵，佢地聽外國野，一定會揀個名夠響同埋順耳既先會聽，照我既理解，咁樣佢地會覺得自己好「潮」。Eminem果首《Hailie's Song》內容係寫乜野？《Without Me》裡面串過邊位美國官員？《Shit Hits The Fan》串邊位歌手呀？邊個係little nigga呀？
係Ja Rule呀！知唔知邊個係Ja Rule呀？我估佢地連邊位歌手係東岸，邊位係西岸都未分得清！挑！學人聽歌！
無計啦，又懶，又要學人聽，聽又唔撚明，又唔知人地唱緊乜，歌詞內容寫D乜！真係以為戴個Headphone，著到好撚「型」就真係好撚型呀？得個死人樣！根本咁樣同鬼佬拍功夫片無乜分別，因為真係虛有其表，有套動作片叫《標殺令》、真係睇完Trailers，真係屌到媽媽聲，無他既，一個唔識功夫既人拍功夫片！出到黎效果一定係唔掂架啦！最頂癮係，個導演塔倫天奴話自己好欣賞中國既功夫，又話要向邵氏，向深作欣二致敬，我心諗，鬼佬你收皮喇，呢Ｄ咁既宣傳技兩，同周杰倫玩雙截棍，打功夫，實質想打入外國市埸又有乜分別？
文章定位：
