衰鬼肥婆呢排成日懷舊佢一班好友，我都唔執輸，“數”返我班朋友出o黎先。
﹝排名不分先後﹞
§仁人集團
主要成員有家類、震波、飛傭、修哥、公公，加埋我就合稱“仁人六君子”，另外再加埋譚君偉呢個特別號碼就湊夠七碌神棍。呢班人成日都鍾意去皇朝文化中心對開條天橋度飲酒吹水，練得一身好功夫，吹水真係唔使抹嘴，又鍾意去香港入貨，o係高登同信和都留低唔少腳毛。仁姐、肥婆、za姐、大家姐呢幾位呀姐級人馬當然唔可以唔記得啦，如果成班人坐埋一齊，真係勁過黃河缺堤呀！
§台大八子
當年台大146盛極一時，輝哥、呀仔、力持，再加埋隔離房o既恆少、肥杰、問題少男鄭敬生、子健，就係人所皆知o既台大八子o勒。想當年一齊o係度聚賭，賭到一兩點仲落樓下食埋宵食先訓，仲成日去督波，真係令人嚮往o既退休生活咁‧‧‧za姐、小豚都周不時走o黎趁熱鬧，連一聚學長例如大B哥、hmi哥等都得閒入o黎坐o下o架。
§雀友
講到最忠實雀友就非呀豪同埋呀昭莫屬，幾乎場場都見到佢兩個，通宵牌之後飲埋早茶先返屋企訓覺一D都唔奇。鳳姐同埋肥盈姐就直情係女中豪傑啦，話食你就食你，絕不手軟。呀珊呀瑩同埋呀婷一聚都時不時落場玩兩手，呀珊隻自摸手就真係諗返起都驚。呀強都唔可以漏，佢同春暉D雀技都出神入化，實能出大雅之堂。另外同我打過牌o既人實在太多喇，呀華、麻麻、扒扒、以及好多連名都唔記得o既人士，都打過一手。麻雀呢樣o野真係令我結識到四方八面o既朋友呀！
§同志會
會長為在下，副會長係佳佳、名譽會長肥婆、監委會主席za姐、執委會主席德德、秘書長豪輝、秘長係邊個？仲有名譽會長大家姐、同志會的女兒聽諦、精神領袖葉匯、顧問修哥，以及數以萬計o既會員，勢力龐大，大家萬眾一心、眾志成城。最大o既功績就係吹水，以及發明培記大富翁。
§好耐冇見
以前初一二o既時候同小新好熟，成日同佢一齊放學又屈佢請我食糖，但係後來大家分開o既文理組之後就好耐都冇見過面喇，對上一次係我o黎日本之前，人妖約我同佢一齊去M記吹水，o個次之前都有成年幾冇見過佢囉。卓卓、陳定邦、wilson、譚君偉、梁肇衡、肥仔等人o係初二o個年都成日去癲o架，諗返起都覺得真係幾癲o下。另外，我同陳定邦加埋尹劍o係初一正合稱狂歡三寶之事，唔知仲有冇人記得呢？
§其他﹝霞o下o既考試範圍一定有呢一項﹞
其實o係我生命中仲出現o左好多friend，例如有夫人、別別、小文、何浩明、薛頭等等等等，只不過係因為未能歸類先至未有詳述，唔係代表我唔記得你o地喎！
今次淨係數返培正班同級friend出o黎，呢度數到以外o既當然仲有好多啦，但係佢o地唔會睇到呢個台，打o黎都冇用。
o係呢個咁o既年代，我對我所有朋友o既唯一期望就係──要永遠咁開心，同埋記得有我呢條友仔o係你o既生命中出現過！
希望o係下次我望星星o個陣，你都同我一齊望住同一粒星星啦！
文章定位：
