其實想寫日記左好幾日架啦，但係我又真係好懶，所以就拖到今日放假先一次過寫翻幾日既野哩。星期日晚約左0係Lauterbrunnen 阿婆屋認識的有趣朋友仔gathering，果晚由peter organize，都算唔錯呀，每個團體都有代表出席，總共有七個人，我地都傾左好多野，當然有分享大家0係阿婆屋分別後的經歷，仲開始諗下個目的地係邊度，不過睇黎我有排都唔駛旨意有假架啦……唔知做乜講講下又講到生仔，聽阿doctor lam講，生仔原來好恐怖架，攪到我地話我地成檯都冇人會生仔啦，好彩從來都冇諗過生啫，anyway，果晚都真係幾開心，我本身心情唔係幾好，不過同佢地食左餐飯之後就好左好多……
但後返到屋企之後，又失眠，成日星期日晚都失眠，不過今次好慘啦，一訓著就發埋d好恐怖的惡夢，呢排成日都發惡夢，醒左心情都唔況靚得去邊啦，返工的情況都係咁啦，雖然星期一返工果時收到francis的SMS，都有少少鼓舞，不過返到公司，發覺連位都冇得坐，我mentor終於返左公司，不過就忙到野都唔得閒同我講果時，成個人都沉晒，究竟我幾時先可以overcome到呢d情緒呀？
星期二，好似好左d，可能同同事(多數都係SA1，因為我仲未識到其他人，仲有一個SA3)傾多左計，仲有又同Jonathan sametime 左都一段唔短的時間(thanks jonathan)，咁我咪覺得冇咁情緒低落啦，但係星期三放假，又再情緒低落過，又聽到d好突然的消息，好為朋友感到不值，希望佢可以快d開心翻啦，其實我係有d傻，都冇乜唔好既事發生過，但係都情緒低落，不過我又控制唔到bor，當我唔係同朋友一齊果時就亂諗野啦，唯一方法都係揾多d人陪下我，但我又好懶去約人bor，真係麻鬼煩呀我。
不過大家唔需要太擔心我啦，因為我阿媽都話我自幼稚園都係怕陌生環境的人，個人好慢熱，一去到一個新環境就會唔開心，遲d適應左之後就會好d卦，我入u果時初頭都唔開心左半年呀，都唔知今次會幾耐我先可以好好享受啦，jonathan話我好outgoing，其實呢個只係好表面的我啦，呃得下人呀呢，其實我冇刻意去呃人的，只係我同朋友一齊時，我都會好開心，暫時忘記左我內心的囉囉嗦嗦，說穿了，我就是一個好怕寂寞好怕陌生的人。
文章定位：
