又好耐冇update過diary了，宜家放工返屋企好懶開電腦，之前做大長今，放工之後唯一會做的就是追大長今,宜家做完大長今了,放左工食完飯就攤左在沙發上了….仲懶過隻豬…
我地公司終於搬左去ifc…但係d野通常都係好睇唔好食的…睇落去真係幾grand的，尤其是個reception同d meeting rooms…..見到簡直係wow wow聲不停…不過至於對於我地呢d大公司的小職員來說，就真係小小聲了，我地d位細左唔少啦，d公用的area都少左好多，例如pantry同toilet…第一日返工先慘,lunch冇啖好食，等lift 都等左四個字，而ifc同exchange sqaure呢頭又少d比較平的食肆啦,果日仲要落狗屎咁大的雨…結果canteen, m記,prêt a manger,都打晒蛇餅…仲慘過唔駛錢…我地最後叫左意粉屋外賣，但係返到office果時已經點半…記住我地係食十二點半架下…大佬!!!有見及此…我地d高層都叫反應快，立令由上個星期五開始實行彈性食晏時間…唔同層有唔同的食飯時間，以免塞lift….不過其實在佢地下令之前，我地都已經自動enforce左了…同d同事講開笑…講究竟ifc同exchange square d人的average salary係幾多呢，點解d食肆可以貴成咁…結論係exchange square應該非常高，以前ifc都好高,但係宜家已經好低啦…因為有我地嚴重地拉低左個curve…嘿嘿…
等到頸都長，終於等到long weekend了，返左深圳玩…其實真係冇野好玩，叫做行開下囉…覺得深圳d野好似好食過香港果d(講緊好唔好食咋下, 無評論過乾淨與否)，在香港，實在太多唔識整野食的人開食店……做壞個市….
始終覺得大陸d地方好污糟…上到去周身唔舒服…都唔知要幾時先會有改善…成日都見到d slogan提d人要文明d……..都唔知有冇用，唔知幾時先唔再需要呢d slogan??唉，都唔知點攪奧運，由北京成功申辦奧運果時我已經有呢個疑問，到宜家我仍然係咁諗…深圳地鐵好新淨又現代化，但係我覺得同呢座城市有d格格不入呢…
文章定位：
