我終於係依日(2004年3月4日)踏上泰拳這條路.....
今日要5:30返ive補maths,6:30先走得.....冇計.......點都要遲到=.=
放左就已經行快步去柴灣個118巴士站,我未去過搭,所以都唔識路,撞撞下咁
打俾阿b教我點行,結果都搵到,一陣就有車黎喇~好野~如果遲咁多就唔好啦
話哂都第一日去學......但係...竟然諗唔到會jam車=.=........
差唔多7點半成去到果頭......main point黎喇......我唔識邊到落車...
我問個司機,旺角消防局係邊到落車,佢話過左?!!!!我睇地圖架
車係唔會經過架喎.....所以我問佢係邊到落,佢又唔應我....我#&^@#^*&佢呀~
我唔理咁多,下站落車,落左車都唔知自己去左邊........於是打俾阿b問路~
教教下,我又問下人.....終於都搵到果條街喇....所以就行過去喇~~~
行行下,見到前面有個燈箱~寫住"保昌泰拳館"
好野~搵到間館喇~~~我行入去,果到係唐樓黎,要行樓梯上去,4樓......
制到3樓到就聽到d泰拳比賽果d音樂,轉個彎就見到係打開度門~~~~我係門口講
"我想黎學拳的"跟住有個師兄就叫師傅黎,師傅叫我入去講左d野,俾張form我fill
左佢,話聽日帶張相去....交左錢學費,師傅話買拳褲,我問可唔可以著自己的拳褲
,師傅話如果冇其他館名就可以喇,之後叫我去換褲,換完就出去,師傅叫中龍師兄教
我....師兄話等埋果兩個人先一齊教,一個叫阿光,一個叫黑鬼.......
一個就先過我黎,叫阿拔(=.=)...........
師傅問我地有冇宗教信仰,我就係基督徒,所以就唔洗上香....只係拜一拜師公張相
之後中龍就教我地熱身,熱完就叫我地著鞋上天台跳繩....佢拎左一個好奇特的鐘(紅,綠燈各一,+埋一個火警鐘上去),師兄話綠燈一著就開始跳(5分鐘到),跳到紅燈著就休息(一兩分鐘到)...咁叫一round....跳三round......跳完就落番去
師兄教我地打one two....對住鏡,雙腳平行企,雙拳放係眼位高度~之後就打左直拳
同右直拳一次(音樂開始就打,五分鐘到,總知有多冇少,音樂停就停,休息唔夠一分鐘,咁叫一次),打完就打轉左轉右直拳,又係打一次,跟住到向上打左右直拳一次,最後就做泰拳彈,雙手又係放果個位,之後就係咁彈彈下,都係做一次...做哂依4個動作叫做1round,要做2round~
向前,左右都唔係幾,之後做向上就喇.......之後就彈彈到隻小腿有d抽的feeling.......做第二round第一個動作時有d想死o既感覺........之後就開始
冇乜feeling喇=.=
終於都做哂兩round喇,做完師兄叫我地做拳上壓,做30下......
做開頭果10下就好standard,之後果20下就~~~~哈哈~
做完就做sit up.......一路做,一路睇d師兄練ku....
9點9喇.....去換衫走喇,走前就睇真怪物場比賽,好鬼勁=.=
落樓時幾驚會發軟蹄,好在冇....落到街.....都唔係想像中咁酸,咁....
行過去地鐵站搭船返屋企喇~
文章定位: