24h購物| | PChome| 登入
2004-03-02 22:09:10| 人氣57| 回應0 | 上一篇 | 下一篇

我的父親母親

推薦 0 收藏 0 轉貼0 訂閱站台

我的父母，其實很可愛。

(一)

老爸讀娛樂版，見《迷失東京》導演蘇菲亞哥普拉的報導，媽媽走近插口。

媽︰「知唔知蘇菲亞係邊個個女呀？」

老爸為保面子，便緊張起來︰「唔好嘈，等我睇吓先，蘇菲亞……蘇菲亞羅蘭個女……」

我和媽媽，哭笑不得。

爸繼續︰「蘇菲亞……哥普拉，哦！哥普拉吖嘛，教父哥普拉嘛！」

媽︰「咪好似王晶同王天林咁囉。」


(二)

爸︰「原來《迷失東京》參考《花樣年華》，都係講中年感情危機。嗯……我咪係中年感情危機囉。」

一說完，媽媽立即瞪著老爸。


(三)

爸︰「我哋係咪有《魔戎》一二三集呀？」(老爸，第三集未出呀)

媽︰「一集好長架，要睇好耐架。」

爸︰「咁咪要睇幾日？等我瞓足精神先睇喇。」


(四)

老爸見《種計》影碟廣告。

爸︰「尼古拉斯基治，我偶像呀。」

媽(又插口)︰「白頭佬嘛，我同事英姐話係佢偶像呀。」

爸(為偶像擔心)︰「乜佢叫白頭佬咩？」

媽(不加理會)︰「英姐仲話呀，蔡瀾都係佢偶像，仲有，林保怡都係。以前就鍾意黃子華，而家就鍾意林保怡。佢話最憎就係吳鎮宇，話佢做飛機師個飛機頭好肉酸……」

爸(開始著急)︰「叫白頭佬咩？」

媽(仍然喋喋不休)︰「英姐話佢個女就鍾意林一鋒，啲飛幾貴都要買去聽……」

老爸已不理會，專注地望著廣告中的尼古拉斯基治，為著自己不知道偶像的別號而擔心。

媽︰「仲有呀，發哥都係英姐偶像……」


看來，老爸的地位因英姐的介入而不保了。

還有，媽媽，究竟誰是白頭佬呀？


各位，我就是在這樣的家庭中長大的。


我要檢舉
台長： 袁利

您可能對以下文章有興趣

人氣(57) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文