24h購物| | PChome| 登入
2003-01-04 02:15:04| 人氣25| 回應0 | 上一篇 | 下一篇

【一起寫吧！】之三：茶餐廳

推薦 0 收藏 0 轉貼0 訂閱站台

茶餐廳不日上演事件一則：

※ ※ ※

早上八時零三分。頭髮蓬鬆還未睡醒的陳師奶（41歲，最愛搓麻將）硬拖著滿臉愁容兼帶萬二分委屈的陳二牛（9歲，就讀小學三年班）氣喘喘地走入桃園村街口的茶餐廳，在近櫃檯的卡位坐下。身高1米84瘦骨嶙峋滿臉鬚根的伙計成哥（36歲，日日望中六合彩發達）瞄了二牛一眼，嘴角一撓略帶諷刺的語調說：「嘩，陳師奶！乜又咁晏先帶個仔黎食早餐呀！」陳師奶即時氣憤填胸，答：「唉！唔好提啦！一日最衰係個死人賣菜娟！尋晚明明講好話淨係打四圈架嘛！後來話上訴喎！攪到我輸足兩底幾，今朝五點幾先榻落床，將床都未暖就俾哩個死仔嘈起身話叫我煮早餐喎！正衰仔，冇鬼用，剩係掛住食！」說畢陳師奶向二牛怒目一視，二牛仍然低下頭不發一言。陳師奶接道：「哎呀！唔好講住！照舊幫我整個早餐C，腸仔麵轉餐肉通，蛋要全熟，餐飲要熱華田，少甜。快！」兩分鐘後，餐到。二牛慢條斯理的將熱騰騰的通心粉一小羹一小羹的擠進口中。陳師奶不耐煩的向二牛喝令：「快手啦，衰仔！如果你遲到要我幫你簽手冊，下次你就唔洗旨意有早餐食！」二牛終於兩眼通紅以其低得不可再低但足可令陳師奶聽到的聲量慢慢說出：「邊有D亞媽剩係掛住打麻雀唔理仔女架！人地張小麗個媽咪朝朝都親自整早餐俾成家人食架！」由於二牛點中了陳師奶的死穴，於是陳師奶激動得先給他記一個耳光，後用接近尖叫且達一百三十八分貝的聲音道：「你個死仔！人地夠細細個幫個老豆老母搵好多錢啦，你而家仲o徙緊我D米飯呀！正衰仔你話！」一陣嘈雜的聲音弄醒了此時將身體捲成一團睡在櫃檯上收銀機旁的大花貓，它眨一眨眼，打一個呵欠，伸一個懶腰，隨即一躍而下……


－－
註：【一起寫吧！】乃一網上短文徵集活動。欲閱讀本期主題下全數文章，請到：http://write.ruofei.com。

我要檢舉
台長： 浪人．落雁
人氣(25) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文