今
晚新居真係熱鬧到不得了，因為Enews的新舊同事來我家housewarming，一共有14人 (Me ,Wing, Susanna, Karen, Edmond, Levan, Kan, Sally, Keena, 臭丁、阿青、Jarvis、San 仲有稀客祖兒)，簡直係迫爆我的蝸居，Levan一早訂咗海鮮餐(包括帶子、牧丹蝦、海膽)....而我放工之前就已經喺公司訂好了pizza同埋雞翼，然後放咗工，就同wing, Karen,Susu,Levan仲有莎莉，一齊去新都城間築地買壽司同埋紙杯紙碟......而祖兒上黎仲買咗個魔鬼蛋糕添﹗
佢哋黎到我屋企，都話好鐘意個地台，其實我自己都一樣，好鐘意地台既設計....好舒服好warm....而今晚更加覺得好warm....咁多人迫埋一齊超開心.....我哋食咗一輪之後，夜更既同事亦都殺到......初頭驚佢哋唔夠食，所以仲特登叫多咗個pizza比佢哋.......點知最後就係食剩一個pizza，早知唔叫啦﹗.....講到食........呢餐既海鮮，簡直一流....帶子超大隻....因為放喺雪櫃，所以凍實咗，Levan仲好賢妻咁，幫我哋溶晒雪添。
而喺我哋食野期間，發生咗一件好爆笑既事，而過程只有我同wing兩個全程目擊，就係事緣阿勤被啲介辣辣到喪咳，而阿San就叫佢不停用口呼吸....跟住我同阿wing對望，然後失控咁笑....笑到阿wing肚都痛埋....其實件事唔係話真係好好笑，但係如果目擊埋成個過程，就真係可以笑翻天﹗
除咗食之外，佢哋話要睇我同阿su表演ballet，但我哋呢啲小學雞，實在難登大雅之堂，唔通係度做plies比佢哋睇咩.....所以最後我決定表現苦練多時既拉筋，阿勤仲做埋總理話我做到捐十蚊，唔知係咪因為群眾壓力，我竟然做到一字馬.....呢個簡直係一個奇蹟.....不過，真係好痛好痛﹗
差唔多玩到十一點幾，wing、青同埋勤就先行離開....而我哋就梗係繼續玩啦﹗最後連大電視都玩埋，我哋分成兩組玩估戲名，大家越夜越high既關係，聲浪亦都越黎越大，所以我成日都要提醒佢哋要細聲啲.....最後玩到差唔多2點幾，佢哋就call 的返屋企，而我就自己一個執埋間屋先瞓....今晚係我第一次係新居住.......感覺好舒服﹗
文章定位：
