好耐都無o黎，之前想寫，但心情好亂寫唔出，不過，唔知點解，每次返醫療隊都會諗起「那件事」唔知點算，或者因為一位隊友的問候，佢係信主的，所以某些佢講o既o野我都聽得幾入耳，仲覺得可能係主安排佢o黎安慰我的，這大概就是「神能使萬事互相效力」、「神的安排就是這麼奇炒」吧！
我媽媽昨晚話我無以前咁開心，又無o野講，係呀，我係有心事呀！我真係唔忍心講俾妳知，妳那二十四萬大元無o左，如果你知道o左，你仲可以開心嗎？俗語話︰「錢買無唔倒快樂」，但無端端無o左咁大筆錢，咁錢就可以俾返我「快樂」，自從收到銀行通知，我就不知不覺咁無o左自己，天天魂不附體，情緒、工作、決定、自信…只有不知所謂，近來，開始發覺自己原來俾哩件事影響住，明明雙眼已經很累，上到床又睡不著，係咁諗住件事，患得患失，好不容易睡著，半夜又醒來，通常是凌晨四時半，又要去洗手間，去完又睡不了，差不多睡著了，到六時半又醒了，再次要去洗手間，一天睡不了多少時間，到夠鐘，真正要醒來，又會想起原來自己剛才發夢又係哩件事。
我仲努力咁減自己o既開支，好節制咁買衫，超節制咁買零食同o野飲，務求o係哩兩年內儲蓄返三幾萬俾媽媽當係安慰佢蝕剩咁多，唉…這是作最壞的打算，好天真，大拿拿無o左廿萬，哩三幾萬咪笑死人囉！本來好想搵part-time做，但依家無以前咁挨得，唔想做壞自己身體，到時仲大鑊，仲有，唔知係咪年紀大o左，成日都好想睡覺，睡十小時也不夠，如果我再工作，恐怕有天會不支倒地，而且，媽媽依家無工作，長時間一個人在家，所以我都想收工早d回家陪她，等佢無咁無聊，有個人見下，但其實我咁早返到屋企我覺得好悶架，電視又無乜好睇，無所事事咁，有點浪費時間，所以有時會睇下以前買落o既書。
我依家開始體會乜叫「好似個天塌下來咁」，每當諗到媽媽以前雙腳穿住水鞋都浸住水咁「洗大餅」、一行行線咁check件衫有無錯位同埋一下下咁剪線頭線尾咁一毫毫賺返o黎，你話我個心點會唔痛到好似個天塌o左落o黎咁！
另外，有一件事我好感動，又好慚愧的，感動在我見到有位好朋友keep住o黎這個新聞留意我的最新消息，我真係好感動，原來有位朋友正在默默的關心我，而我呢…真係好慚愧，連佢新聞台轉了底圖都唔知，到今天，才看到她10月9日那篇新聞，原來她身邊也發生了一件大大的事，作為朋友，能夠做的不多，只有在此「祝福」，在禱告中記念。
我好擔心我姪女，佢表示佢o係o個邊住得唔開心，要對住佢唔想見的人和事，但係我無能為力，我幫唔倒佢，同樣，我只能夠為佢祈禱。我諗起我都好唔開心。搞到咁樣，是我做錯了嗎？
本來以為自己的眼流已經流乾，但唔係架，又本來打算讀個degree未雨綢繆，唔通等人炒或等社會淘汰咩，不過，現在一切有變，可以點算？！
文章定位：
人氣(169) | 回應(2)| 推薦 (
0)| 收藏 (
0)|
轉寄
全站分類:
不分類
