LoVe 發覺到了嗎？ 布甸日記~咩都寫=^.^=

18愛的鼓勵 0訂閱站台

住左香港咁多年...諗番起廟街都係好細個個時去過之後...直到今日先再去...如果唔係條魚話廟街D煲仔飯好正...我諗我都未必會再去廟街...哈!!可惜我地出到去都成九點...點知係勁多人...以前一間舖頭變成而家既兩條街唔知幾多間舖頭...擺晒出街都無位...等位既人龍又長...有無咁誇呀!!!!最尾都係去左食大排檔...比我既感覺係同元朗or上水既大排檔好唔同...可能廟街係遊客區...出左名之後未必保持到以前既水準...同埋節奏太急促...所以個廚房整出離既送都係有D失望...碟西蘭花炒鮮魷咸左D...炒蜆D汁就唔夠味...幸好北姑雞煲仔飯幾好味...好耐無食過煲仔飯lu...下次平日一定要去番今晚食唔到個間食煲仔飯...^^之後我地行下廟街D攤檔..其實同女人街差唔多姐...只不過有D賣既野係特別D同埋有中國既特色...唔係都唔會咁多鬼佬...哈!!行行下經過榕樹頭D睇相舖..比條魚拉左我去睇相...E間係佢兩年前睇過既...咁大個女都未試過睇相...雖然我就唔係幾相信E味野...成日覺得佢地係吹水...不過有D野都幾準既...睇相佬話我係旺父相(因為鼻多肉,好相??唔係麻=.=),做生意會幾成功(三十歲之後),唔算係個好勤力既人,只有7至8成勤力,做野唔會係辛苦,搵到錢但係會儲蓄唔到錢,佢睇得出我之前有兩段感情(雖然計埋初戀男朋友個一個月應該係三段先岩),但係佢話我應該15,16歲就有拖拍(E個己經唔準啦),22同24歲既感情會睇好(22歲個段過左就唔計啦,條魚係我24歲,係咪真係會睇好呢??),最慘佢話我29歲之後識到既姻緣都唔會好(咁我如果29歲之後都未有一段Keep住既感情 or 識唔到新既戀情咪大件事>_<),不過佢睇得出條魚係好錫我同關心我既^^之後條魚都有睇,睇相佬講得幾準既係佢係個好勤力好捱得既人,會幫人,係人地既貴人,事業/做生意會係之後個幾年開始成功,唯一令我自信打擊既係佢感情會好多,仲要係女追男,結左婚之後都可能會有第二個...Oh No!!!!最尾我地一人比左一佰蚊睇個咁既相...哈!!至在玩下姐,命運係掌握自己手裹...不過聽下E D野都幾得意....^^