Maggie’s sweet memories A place to record my memory. A place to share my joy, sorrows and anger. A place to entertain you guys. A place to receive a word from you. A place to show my love to you all. A place to know "Life is beautiful"!

446愛的鼓勵 0訂閱站台

第一次做高中班主任, 發覺好多野同左低form 班主任唔同, 唔可以再好似之前咁用高壓同無賴政策, 所以, 我選擇左"以德服人"...

開學之前, 同事們都同我地講左, 我呢班d 人係來自五湖四海, 再加上新高中佢地修d electives o既關係, 佢地將會"打散晒" 咁上堂, 要令佢地團結真係有d 難度!

開左學之後, 發覺4D o既學生絕大部份淨係看個樣都覺得佢地好乖, 而如我所料, 佢地的確有d 散, o係佢地o既freewriting 裡面, 好多人都話自己d friend o係晒其他班,  同4D o既同學仔唔係好熟. 其實我都明, 要識一班好朋友真係需要好長o既時間去陪養感情, 係急唔來的, 所以, 我覺得我可以做o既, 就係盡量令到佢地o係班裡面有限相處開心d, 咁就會令佢地唔會咁容易掛住中三o既學校生活. 講故事, make fun of 我自己, 播歌, halloween 焗cookies等等, 我可以做得到都做晒. 一有school events, 都會幫佢地影好多好多相, 希望可以加速佢地由同學變成朋友...

但係唔知點解, 我成日都覺得我做mud 佢地都好似無反應咁, 有時, 從佢地o既眼神, 我感覺佢地覺得我好怪, 點解會做咁多o野... 送cookies 比佢地, picnic 埋野比佢地食, 佢地個反應除左愕然之外都係愕然, 之後就自己有自己玩, 我心想, 多謝都要講句掛... 不過, 可能伊家o既小朋友都比較內斂掛, 同埋我真係覺得VC o既學生一向都好幸福, 要mud 有mud, 所以佢地覺得我做o既o野真係不外如是...再加上佢地都仲係, 唔再係好似以前d 小朋友咁易tum 呢....

到到去旅行, 我本來係想玩d games 再令佢地團結d, 但係去到, 感覺係佢地好想快d 走, 可以同d 朋友仔周圍玩, 突然覺得自己好似阻住佢地去玩咁, 所以最後草草了事, 好無奈咁拿晒之前買左用來玩games o既o野返屋企...

過左兩個幾月, 班o既氣氛都仲係差唔多, 我真係覺得唔知點做好, 報紙o既問題, 班o既整潔問題, 仍然o係度, 有時想, 可能佢地真係好忙啦, 所以, 我做得到我都會做, 免得過都唔想煩到佢地, 但係, 當我越來越忙, 我就發覺自己真係頂唔順, 做唔緊要, 我真係唔想做一個透明人, 所有野都係我有我講, 佢地有佢地繼續做...但係, 我真係無後悔過為佢地做過o既o野, 起碼我努力過, 當中更有學生感受得到!

好彩, 我無放棄到, 一連兩日o既christmas celebration, 仲有你地送比我o既聖誕卡, 我真正了解到, 佢地只係真係內斂, thank you 同sorry 都比較難講出口, 原來佢地唔係唔鍾意我啦!!! 呢三個月幾月來, 我的確因為4D 而有d 苦惱, 但係我從來都無唔鍾意過呢班, 我唔開心係因為覺得自己有d 無用, 無能力去令到你地團結d, 開心d, 我亦都想過, 我究竟係咪淨係suitable 做lower forms o既班主任呢...所以, 你地要信我....唔係唔鍾意你地啦!!! 唔鍾意你地我就唔會做咁多野啦!!!

 過去呢兩日我真係好好好開心, 因為我見到大家都好努力咁投入去玩games, 見到你地笑, 我真係好開心, 因為, 你地o既笑容係一致的!!! 大家係因為4D 而快樂, 希望我地未來會有更多sweet memories...

呢幾個月辛苦晒你地, 我都明白你地過得好辛苦, 好多功課好多tests, 來緊仲要考試...但係要加油, miss lai 一定撐你地!!!

我真係好愛你地! 上面係我地第一次齊人o既班相, 令我感覺好幸福...謝謝你地!