開心晒!＠Maggie’s sweet memories｜PChome Online 個人新聞台

2009-04-28 23:33:12| 人氣212| 回應0 | 上一篇 | 下一篇

開心晒!

推薦 0 收藏 0 轉貼0 訂閱站台

今日返去, 其實心情好好多, 因為我淨係focus 左o係d 乖o既人度...再加上黃同學好似好返好多, 而好耐無返學o既羅同學返左來...我話比自己知, 今日係一個值得高興o既日子....

入到去, 成班以為我好"男女男"...爆靜, 之後我問佢地...你地以為我好"男女男"??? sorry...唔係lor....我淨係唔妥d 唔聽人講o既人之嗎....

之後派卷, 上drama, 令我最開心係見到李同學收到份卷個開心反應....你真係有一個好大好大o既改變, miss lai 都有因為你而開心...加油!!!!!!!

再之後就係上drama...好好笑, 好耐無試過咁無賴咁鬧人....係架啦...你地打多d 波啦!!! 對你地好有益......我唔鍾意你地笑同埋講野wor.....收聲!!!

上完兩堂drama...虛脫咁滯...再來上2CDE, 派卷.....再drama....有d 暈...但係好enjoy...佢地真係creative 到爆!!!! 好鍾意呢班....

lunchtime....返課室撞到班籃球人....高同學見到我....話係咪唔關佢事...因為佢test成績唔差....我琴日見住佢打波....仲話唔關佢事....仲提我寫左"a nice try" 同請佢食糖....真係打得少....最好笑係佢爪住d 頭髮咁講..."miss lai...對唔住呀....唔好"男女男"我呀!!!" 見到呢一幕真係忍唔住....

不過最最最開心o既係今日同3CDE出去食飯...比marcus 搞到我笑到反檯咁滯....好enjoy....但係....點解你地係都唔比我請你地食飯???!!!!!! 好老土呀!!!

lunch 之後上1C...因為有實習...一個cycle 得一日可以見到佢地全班, 好掛住佢地.....見到佢地好開心....呢班小朋友做少少野都可以令我笑...上佢地堂真係會笑住入去笑住出來!!!

上完1C 見到鍾sir, 傾左一陣....aiya....好開心...佢讚2A 乖呀!!!! 佢話比起上學期, 佢地真係好左好多.....miss yau 經過都係咁講, 佢都話好神奇easter 之後佢地乖晒.....hahaha.....yeah.......仲開心過自己比人讚!!!!! 不過...係仲爭一樣....功課....唔知佢地可唔可一用淨返d 時間改好佢呢....仲有一個月...捱埋佢啦...小朋友....

放學....捉左幾個籃球人講左一陣....了解左點解佢地會係咁....我明啦....佢地對自己要求咁低....應該係o要求....唔認真呢樣野就唔使講啦....成日以為d 野看下就識晒...唔怪得會變成咁啦....起碼...呢個唔係我o既問題....你地即管打多d 波啦...我都管唔到咁多....我淨係想你地d test 合格姐.....講完...

o係學校改文改到七點....都仲未改完....點解我個turbo 會唔見左???