Birthday gathering 5 ... with VC babies＠Maggie’s sweet memories

2008-07-01 22:49:13| 人氣214| 回應1 | 上一篇 | 下一篇

Birthday gathering 5 ... with VC babies

推薦 0 收藏 0 轉貼0 訂閱站台

super 開心o既一日...朝早返vc 過左好artistic o既一日...彈琴...我要練好天空之城同埋世界末日!

之後同同事們去街市樓上食lunch...再同rosanna 出戰又一城...勁買...

五點幾去到九龍灣會合janice, gigi, denise, ray, steven 同 dan 去emax 碌齡! 點解我個波成日都碌落亢o既? 算啦...我接受我係一個運動白痴! 同埋...唔怪得呀ray 話要去碌齡啦! 原來係要比我地看佢連續三次全中!

碌完齡...我地去左觀塘唱k, 好開心, 唱到癲左...好鍾意同janice 唱”你講你愛我”...加埋呀ray o既配合...成件事係幾咁dramatic! 仲有rosanna 唱快歌自high...cute 到爆炸! 而gigi 呢...就只係o係度笑我地!

成晚o既高潮係佢地送禮物比我o個刻! 最搞笑係呀dan 做司儀, 笑死左我地! 你地真係好了解我...盞hello kitty 燈同埋個jewellery box 係我成日都好想買但係唔捨得買o既o野!!! 不過, 我最喜歡o既都係你地寫o個本teacher version o既birthday free writing, 好感動! 看到dan o個篇真係忍唔住...當住咁多人面前喊真係好樣衰! 我要講o既係, 我只係做我喜歡做o既又或者覺得應該做o既, 從來都無想過自己o係人地o既人生中有咁樣o既價值, 看到佢地寫比我o既o野, 忽然覺得自己o係佢地心目比想像中來得重要呢! 有你地呢班朋友, 我真係好幸福! 所以, 我點都要再講多一次, 你地對我來講真係好重要!

最後, 我地唱k 唱到十二點先走, 其實, 我都未玩夠, 同埋我完全意識唔到我會無車搭返屋企...多謝三大猛男無”dum”低我o係九龍灣, 冒住自己無車搭o既危險陪我搵到個bus stop 先走...

二千萬個多謝你地呢晚o既安排, 禮物同心思! 我愛你地!

ps...返到屋企沖完涼就訓覺...五點突然胃痛痛醒左...好好好痛...幾經辛苦先爬到起身是但拿d 藥食, 食完之後嘔返出來就無咁痛啦...好驚係食物中毒...好彩...janice 話佢無事...

ps2: yeah...我部相機終於都瓜左柴啦! 呢日去到碌齡想影相就話比我知無電...所以, 其他相就要等janice 同denise send 比我先比你地看啦! 仲有...我可以買新相機!!!!