今日好surprise地收到個包果. Surprise係因為1/ 竟然係W君寄比我既; 2/佢之前無提過; 3/無諗過佢會捨得花舊幾水寄野過黎,完全唔係佢既作風; 4/ 我以為我已經無禮物收.
個包果好大,不過輕飄飄,都唔知係咩,就連比包果我果個姨姨都好奇,問我知唔知係咩. 我梗係唔知啦,急不及待返房開箱,估唔到係隻麥兜兜公仔,仲有錄音功能既tim! 嘩~~ 佢岩岩出果陣我已經好想要架喇,不過呢D野梗係等D有心思既有心人,送比佢既心上人架啦,當時我孑然一身,亦無諗過會擁有呢隻錄音兜. 估唔到W君會千里送兜, 我係極之意外喇. 佢錄左d咩比我,我梗係唔會講啦,不過就個公仔黎講,我已經開心得不得了. 有埋兜兜陪我,我係到就無咁孤單喇~ 你唔好話我誇張呀,有時人在異地,就係要靠呢d野慰藉下. 我依家唔單止有兜兜,仲有之前豬小妹同w君送比我既pooh pooh,同may姐送我既baby布魯圖電話座. 雖然D公仔係幾"牙"位,不過我寧可帶少件衫都唔會唔要佢地. 家下我有pooh pooh 又有兜兜,朝朝晚晚都見到佢地,間房就更warm了,正好幫我排遣下有時覺得好lonely既情緒.
今次真係估唔到W君咁有心思, 諗到條咁既橋, 抵係到讚下佢既. 睇黎佢係我身上都學到D野喎~~~ 哈哈
●Remarks:
1/已補上1月26日的日記.
2/Dear 佳佳: 我知你好有心機買左份好正既禮物比我,張卡我都好鐘意,我會記住你送比我果粒士多啤梨.好大好大粒.
3/Dear 康康: 是日你牛一,我記得既.你份禮物係英國,等你黎拎~ happy birthday啦～
文章定位：
