唉~~~~
以前就有阿媽照顧幾咁好,真係福中不知褔呀...成日都厭三厭四.又懶得郁,做下少少野都會死咁,叫幾次做下野都唔願郁.成日都惹到阿媽好生氣.而家呢就知阿媽辛苦啦!!!
而家咩都要自己攪掂,不論大事小事都要自己攪掂,真係有d麻煩.以前係屋企不論買洗頭水,沐浴露,牙膏.紙巾呀都係阿媽攪掂...到用到咁上下阿媽就會自動去買..而家呢呢d都要自己攪掂.要考慮呢隻好唔好用.呢隻抵唔抵買等等....真煩!!!!
有阿媽煮飯真係好吖..因為少左好多麻煩,成日都要諗要食d咩都幾煩,邊d有營養d,邊d好食d,煮飯又厭麻煩喎,煲粥又厭耐,煲湯買料超煩,最簡單都係煮面食,不過食得多都會悶啦,所以而家多都係食包架啦..況且而家咁熱都唔係好想煮野食.呢度d野實在太多油啦,又辣喎,而且d味好濃,仲會落好多好多味精...唉...成日食又驚肥喎,因為係呢度真係好難唔肥,d野咁樣...仲無咩清淡可言超無奈呀...都係住家飯好...好掛住屋企d飯餸呀...數數下都已經有二個幾月無食過lu~~~好想食呀!!!
講到間房ge清潔就真係....以前都話有阿媽做呀..而家咩都要自己攪掂..無論拖地,掃地,洗廁所都做埋..以前洗廁所呢d又點使我做呀..呢d阿媽會攪點架啦.不過而家咩都要自己郁手.唉!
煮飯ge時就知道阿媽煮餐飯出黎都幾辛苦架!洗衫先知阿媽勁辛苦,冬天用凍水洗隻手超凍,邊得好似我咁用暖水洗呀,洗到隻手脫皮,先感到阿媽隻手幾咁慘,因為佢要洗曬全家人ge衫,而我呢就只有自己d衫,自己著幾多就要洗幾多,有時洗洗下會好唔想洗,因為好多,特別係牛仔褲,外套真係好難洗,不過又唔得喎,就會頂住繼續去洗.冬天ge時候就算隻手腫成點,疼成點都要頂硬上,果陣成日都會諗起阿媽,終於體驗都阿媽d苦處啦,阿媽真係辛苦曬你啦~~~~
so我以後返黎都會幫手做家務架啦,唔會俾你一個人做曬架啦~~~
其實獨立話難唔難話易唔易,當你個環境要你獨立,你係無得揀ge,就算呢個過程幾咁無奈幾咁難幾辛苦都好,當你習慣左就ok,要完全獨過先會知道屋企ge好,先會知道阿媽ge好~~~有獨立並唔係一件壞事黎ge,大家不況試吓啦,試過之後你將會有所不同ge看法,不同ge體會,你好多ge想法都會有所改變,試下吧!
文章定位：
