貓同學喺呢度 網誌不屬於私密的日記，也絕對不是我人生的全貌。卻是我人生腳步的重要痕跡。 ─ 九把刀

61愛的鼓勵 0訂閱站台

為何騎呢事總發生在我身上？

話說，到期里蘭卡工作前要到公司診所抽血進行肝炎抗體測試，並注射傷寒預防針。由於無得預約，我跟兩位同事倒塌咁早就要去到中環「輪街症」，等咗粒幾鐘，終於輪到我。抽完血，護士姐姐讓我用棉花按著左手的傷口止血，但係唔夠一分鐘，便示意我鬆手，隨即在同一手臂上注射傷寒針。注射完畢後，我將拉高的衫袖放下，驚覺剛才抽血的位置，即手肘內側的皮膚，竟隆起像個乒乓波 (絕對無誇張，真係成個乒乓波咁大)，驚嚇程度差點令瞳孔放大，但護士姐姐見狀，用手指撫平乒乓波後便若無其事的說：「無事啦…….不過今晚瘀硬」。哇，你都好無職業道德喎，擺明係趕收工！平時捐血後，無論幾趕時間都至少要按著傷口五分鐘，雖然抽血不能跟捐血相提並論，但一分鐘也未免太草草了事吧。我離開後，第二位「受害同事」緊隨入內，我急不及待將我受虐的情況告知第三位同事，她亦覺得匪夷所思，幸好，她不用抽血。數分鐘後，「受害同事」出來，正當我想將那護士的惡行再詳述一次時，「受害同事」竟搶著說：「我知呀，佢幫我抽完血之後同我講：『禁實D，你頭先個同事就係扲唔實，所以佢個傷口會瘀』」。頂~~~阿蟬，你無病呀，我都未話你插爆我條血管，你仲惡人先告狀，懶我唔聽話？如果你都算專業人仕，香港應該無人失業。

當晚，一切安然無恙；第二天，抽血位置四周大片瘀黑色的；第三天，瘀黑逐漸擴散到前臂並轉為瘀青，而痛楚則持續個多星期。其實，我大大話話都捐咗十幾次血，從未試過如此慘況，能達至這種效果，真的非一般護士所能為。當日，我無當面鬧爆佢，但為洩心頭之憤，我不厭其煩的見人就講一次。

故事還沒有完結。在我「傷癒」後不久，另一隊同事在出發到印尼前亦前往同一診所抽血打針，各同事在我的告誡後亦有所警惕，當中有位比較「愛惜生命」的同事，在入房等候時竟嚇到手震。
護士問：「你做咩咁驚呀？」
同事說：「我有位同事上次嚟呢度抽血，抽完之後，佢隻手瘀咗成個幾星期呀。」
護士說：「哦~~~~~我知呀，係我幫佢抽架，係佢自己無扲實個傷口啫，你扲實就無事架啦，唔駛驚。」



姫絲蒂，你能夠完成抽血並全身而退，真的好勇敢哦！