菊花院的水鏡 在這座廢園的院內 繼續培育生命的花朵

462愛的鼓勵 4訂閱站台

                     行 tī 咱 ê土地上

                             ――《春天ê百合》後記

 

    這本詩集ê冊名，由《行tī咱ê土地上》到《絞刑架》、《夜雨》，最後決定

《春天 ê 百合》。這幾個標題攏是冊內 ê 詩題。

   

認真想要嘗試寫台語詩，第一位ài感謝金順兄ê鼓勵佮修改，過程中，真正是一步一跤印，不輸開始學行路ê幼囝仔。拿筆加減塗鴉，總算有一點仔東西，

 

美國文學家梭羅（1817～1862），伊留給世界最有名ê冊是《湖濱散記》，伊有一句話：「一個人想活得富足、堅強，一定ài tī自己ê土地上。」值得咱敬佩佮堅信。行tī咱ê土地上，台灣這塊土地是咱大家安身立命ê場所，值得咱珍惜疼愛，不管離開多久多遠，攏是我人生佮文學寫作ê基點。

 

這本詩集總共31首作品，比較集中tī 這兩三年，這款書寫ê數量，嚴格講，真正不夠認真。集印成書，刺激ê作用大於一切，另外，多少因為斷代因素，將新世紀第一個十年，做一個坎站，寄望下一個十冬，有不同款ê寫作佮努力。

   

靠耀乾兄、瑞銘兄、金順兄眾朋友 ê 評論、岱昀兄 ê 插圖（第二次幫忙，前一本是《革命軍》）、nga-I ê英譯，這幾位朋友 ê 協助，原本薄薄ê冊，因為in ê 好言美化，變成就有份量；最後，ài感謝景新兄ê大力支持，予我the̍h-tioh台語文學ê入門票。

                                                       （2011.01.15.）