我想這個星期,我不會再浪費一分一毫的!!!很辛苦!!!辛苦得想死!!!
話說每一年我地幼聯都會賣獎券籌款,而由於staff唔夠既關係,每年都會請我地做part-time幫手,只需要坐o係個counter點數,而券就交俾d中、小學生sale,我見坐一日就有些$300,d同事又話可以睇下書,咁so,於是今年都試下賺下外快啦~呢個亦係我一生人最後悔既決定!!!
最衰都係擒日o係屯門撞到remus同joe,如果唔係都唔會玩到咁夜,搞到我唔夠訓(講笑咋~全靠佢地我先有得食打冷同食B仔~^_^),而今日又要一早去銅鑼灣報到!舊年都唔使咁早,但係報o左名先話我知,早知錢都唔賺,訓晏d好過...去到就話我知要去上水sell,不過諗住有專車都無所謂,但係估唔到個司機竟然唔識路!!!我入o左大埔工業村,再入埋康樂園!!!爭d可以同埋張柏芝影完相先走咁滯...仲要o個個係蠢蛋司機,搞到架車猛咁dup break,shit!原來鋒仔手車真係好好!!!非常好!!!辛辛苦苦去到,點知望到o個度既人流,我開始覺得絕望-->大部份都係自由行!!!仲要人人都以為我地係service counter,不停用國語問路,搞到我想睇下書都唔得!仲要個幼聯partner係一個悶蛋,我地竟然全程無o野講~為o左解悶,我就去sell埋一份,亦因為咁,搞到我爭d想郁手打人咁滯!!!
其實,你地可以唔買o架,只要講一聲,我地係唔會苦纏你,但係有d人真係好討厭,討厭指數一：扮睇唔到、聽唔到、望住個天行路、扮按電話等、兜路走、急跑(有人跑到留低o左個仔都唔知,要管理處嗌咪,正死蠢!!),其實你地可以擰一擰頭or揮手示意,我地都唔會行過o黎既...討厭指數二："買o左喇,又叫我買?!"擺明認得你未買,唔該唔好聲大夾惡鬧返我轉頭,而呢句通常出自30-40歲中年男人口中...討厭指數三："我唔得閒喎!"而呢句通常出自好得閒而又o岩o岩o係金舖行出o黎既師奶,請問買張獎券又要幾耐呢~你又有幾唔得閒呢?討厭指數四："哼,你估我唔識o野呀,你地呃錢既,你唔使旨意叫我買喎!"同埋o個d問好多條問題(你地咩機構/你地幾多年歷史/賺d錢點用),但係問完一大輪,就好得戚咁話"哦,係呀,不過我無打算買喎!慳返d口水啦!"而呢d說話多數出自50-60歲男人身上,我心裡面諗,d二奶夠擺明"昆"你水啦,你又咁心甘情願?頂!$10唔俾就唔好玩o野啦,仲要係你見d賤男人擺明唔係買,只係想撩妹妹仔而有咁埋"烘"到咁埋,但係d妹妹仔又以為佢地真係買而猛落咀頭,o個下先想打死佢地!死咸濕佬,鬼唔望你生椰菜花生上腦!!!日日收花(柳)!!!而討厭指數五：情侶!!!!因為我今日無得拍拖!!!同埋我sell30對情侶左右,全部都係正當男朋友想俾錢既時候,個女朋友一手撳住男朋友隻手,然後怒睥我話"唔買呀!!!唔該你唔好擋住我條路喎!!"頂!好心男朋友o係度就扮有愛心啦!!!好似係你自己死埋o黎我counter前面,仲叫我唔好擋路,你無病呀?仲要o個下狗眼看人低個樣先討厭!!!$10o者,唔買咪算囉~咩眼神呀!哼,不過我諗呢d真性情佢地既男朋友都睇到,哈,話唔定因此而俾人飛,yeah...
終於sell完...今日既trip係天水圍->銅鑼灣->大埔->康樂園->上水->大埔->銅鑼灣->天水圍...所以返到屋企真係好累...唯有望下得意bb提下神...
從今以後...我發誓...我一定會買獎券...一定...(-_-")
文章定位：
