如果根據地圖中o既路線，正常黎講我會與同學一起行落炮台山or搭小巴去銅鑼灣，再轉個地鐵四十五分鐘就到，太約花費十蚊左右啦。但今日我就用左一個我十分享受的方法，只係用左兩個四($2.4)搭天星小輪，其餘﹖行囉~~總共用左四個鐘，如果以我一分鐘行一百五十步計算，大約行左三萬六千步左右啦，真係好好玩，呵呵！
兩點鐘同德仔佢地食完吉野家，就自己係炮台山開始萬里長征，行過天后，直剷入維園到達銅鑼灣，行左一陣就沿海旁慢慢走到灣仔碼頭，同成班鬼佬一齊搭船，係隻船上面仲鬼咁大浪，居然係尖沙咀碼頭停左勁耐先落客，D遊客企晒起身搖呀搖，不停哈哈笑，做遊客果然係開心D~~
係尖沙咀沿彌敦道直上，去到佐敦至油麻地附近因為想方便就衝入間麥記用toliet，點知想走之際俾人叫住，原來係vincy做緊part-time，訪問D人對新推出食物的評價，真有趣~~
之後就行下行下話咁快到左旺角，一入旺角就on fire迷路，搵左勁耐先去到達之路，跟住接左阿龜個電話之後就怒奔達之路到火車站，最好仲係o岩o岩好可以送囡囡返屋企。
呵呵，完美的一天~~
文章定位：
