供應鍊（Supply chain）＠Tong-îng 的台文世界

2026-04-26 22:23:16| 人氣13| 回應0 | 上一篇 | 下一篇

供應鍊（Supply chain）

供應鍊（Supply chain） Lîm Tong-îng

幾十年的國際化，國際分工，以及成本的關係，現此時，足濟的物資攏無佇國內做，著靠外國進口。台灣是按呢，先進國家嘛是仝款。

日常用品等等的粗俗物大色貨，家己做成本傷懸，靠外國進口是會當理解。猶毋過，「重要物資」甚至國防物資著靠外國做，這已經毋是成本的的問題，已經是國家的重大問題矣。若按呢佇天災地變危急的時，甚至戰爭的時，重要物資若是搦佇別人的手頭，你就無半步，只好跪落去。

現此時，美國Trump總統下性命咧做的「關稅」「供應鍊（Supply chain）」，就是欲解決這个重大問題。欲共「重要物資」徙轉去美國做，至少是佇 「家己人」做。
「供應鍊（Supply chain）」就是「對産品從原材料採購、生産製造、分銷最後到消費者手中的整個流程」。重要物資的「供應鍊」著確定是搦佇「家己人」的手中。

Trump總統就是欲共「供應鍊」搦佇「家己人」的手中。彼進前，伊是先確定「家己人」抑是「外人」。用「關稅」佮你換「來美國投資生產」。共你的資金、家伙提來美國，變做「家己人」。咱已經看著美國佮歐盟、日本、韓國、台灣的關稅談判結果佮投資額，就會當理解。

親像現此時上受注目的半導體製程，上先進的2 nm、3 nm製程（nanometer，奈米），足濟設備，全世界干焦是幾間會做爾，甚至有一項設備，世界就干焦一間做。無這項機器，台積電閣較gâu嘛變無輦。美國是2 nm、3 nm半導體製程產品上大的客戶，這項機設備一定著「家己人」做的。

「供應鍊（Supply chain）」這个課題，台灣嘛仝款，甚至是比別的國家閣較重要，應該是當今台灣的上大的課題。

道理其實是真簡單，親像咱個人，正常的人應該是袂去「冤仇人的店」買物件？
（260118Tong-îng08）

我要檢舉

台長： Tong-îng Lîm

人氣(13) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

回應(0)

Tong-îng 的台文世界 人生一步一步的跤跡，用阿母的話一字一字寫落來！台灣人寫台灣字，天公地道。 0愛的鼓勵 0訂閱站台

供應鍊（Supply chain）

Tong-îng 的台文世界人生一步一步的跤跡，用阿母的話一字一字寫落來！台灣人寫台灣字，天公地道。
0愛的鼓勵 0訂閱站台