告訴我 每天都要讓自己大笑三聲．．．．有益身體健康唷！！！！

14,406愛的鼓勵 40訂閱站台

曾經滿載希望的五分仔車台，經過鐵枝路進入工場製造幸福。

 

曾經五分仔車路維護工人，佇鐵枝路頂滴落血汗。

 

曾經有囝仔佇頂面疊石頭，予警員仔掠去保安隊，罵甲半小死。

 

曾經鐵枝路邊無雜草真正光生，鐵枝路頂不時反射出繁華的光芒。

 

如今，五分仔車已經不再滿載希望經過，維護工人嘛老早已經離開。

 

如今，繁華的光茫被鐵鉎掩崁，開白花的雜草代替夢境中的光彩。

 

不久的將來，五分仔車路的所在起了大賣場，啥人猶閣會記啥是五分仔車路？

 

刊載於「海翁台語文學雜誌」第105期（2010.09），p.84。