24h購物| | PChome| 登入
2008-04-02 20:41:47| 人氣69| 回應0 | 上一篇 | 下一篇

So miss寫情信、收情信日子

推薦 0 收藏 0 轉貼0 訂閱站台

十日既半退休生活，終於過咗喇，雖然係今個假期好悶，又無乜嘢玩，去街又無乜目的喎，但幾悶都好，哈．哈．．．一番工後，對比係忙到頭暈胃痛既生活，梗係覺得吽係屋企都已經好滿足啦！

今個假期，我執好咗自己既書架同書枱，已經成兩年無點大執過喇，今次用咗一日時間去執好佢，同埋裝番部note book係書枱度，心理上好開心，因為好似清理門戶咁，清咗好多垃圾，勁輕鬆呀．執嘢時，搵番陳年既一筒情信，雖然無逐封去睇，但係睇番d信入面既公仔，真係好有童真，原黎以前我都識畫公仔架，只係依家大個咗，好似無咗果種中意寫信比人，又中意等回信既心情，大家現實咗好多咁，係好定唔好呢？！　．．．．已經好耐無收過手寫既咭仔喇！其實只要係中意既人寫比自己，無論d字幾醜都好，即使係象型文字，我相信都會睇得明架，只係依家d人習慣咗玩MSN，慣咗玩FACEBOOK之嘛．

UM..最近識既朋友，都有問我有無玩FACEBOOK，哈哈．．我真係勁娘，竟然無開始想去玩過，睇住同事成日都研究裡面既Applications，我真係唔知有乜咁好玩，唯一講係可能我唔係太中意自拍（我又唔係型男索女．．．哈哈！），唔係太中意放自己d相上網，唔中意有一百幾十個平時都唔見面既人，係一張"所謂"既Friend list度，更加唔想送d假花、請人飲啤酒icon呢d咁啦，所以我代入唔到．．．．真係好out呀！

唯一我樂於分享係我既"小孖星日記"，由03年仲讀緊書開始寫，記咗好多我既私密事件，無論開心與否都係我既生活點滴同所見所聞，希望我會繼續有心同閑情去不定期更新，將我既生活大小累積起黎啦！

PS.今次好罕有地post我個樣出黎，kakakaka．．．用黎懷念我既退休生活架，雖然係呆在家中，但睇我幾悠～～

我要檢舉
台長： SuKi

您可能對以下文章有興趣

人氣(69) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文