唔經唔覺...成個星期冇update我o既近況喇!
睇番瀏覽人數...原來大家keep住日日上來呢!
令我太感動喇!多謝各位俾面...
希望大家除左睇之外...都留下言同鼓勵下我啦!
我會更加感動架!
首先等我講下呢個星期做左d乜先!
11/4(日)：
我同阿媽,細佬搭西鐵入大興拜山...
點知原來o係荃灣搭巴士仲快!激死!
尋日唔開心o係Poly渡過...飲左一罐啤酒就wing wing地
我平日好憎飲酒架!一來易醉,二來怕苦...
但唔開心到爆時就會飲...搞到自己又頭痛又想嘔...勁辛苦!
不過拜完山之後就冇乜野lu...
食完lunch仲返左屋企訓...訓到夜晚9點先醒...
跟住返左Poly CC做野(份Self E未郁過嘛!)...
到朝早6點幾先離開...去豐明苑歎個早餐又返屋企訓喇!
12/4(一)：
訓到下午1點幾起身...搞完一輪就返Poly CC...
不過都成4點喇!本來想去M303(小bean都係)...
但因為太多人...所以我o係M304用電腦...
佢就o係410用(佢早過我返來...果時得4樓有機)
到8點左右...我已經勁肚餓...就問小bean食唔食dinner...
佢都想鬆一鬆先繼續做welfare paper個draft
(其實有好大部分原因係陪我食o既...嘻嘻!)
於是我地就去國際都會o既美食廣場食野喇!
一路食一路講...返CC時已經係9點幾喇!
其實我由4點到8點都冇乜心機做野...
原因係我好朋友媽媽的身體狀況轉差了...
(住院有一段日子,但病情反反覆覆)
我很擔心她和她的家人...
所以都集中唔到精神做份Self E...
出去食個din返來就好左...諗住"的"起心肝做啦!
點知回到CC一睇ICQ...就見到好朋友個留言版上有唔少安慰說話
原來...好朋友的媽媽剛剛去世了!
聽到呢個消息後...我即時呆左...
雖然我知道Antie患病有一年多...亦有心理準備佢會離去...
但突然要接受真係好難...何況我好朋友同Antie關係咁好...
所以一方面我自己都好心"up"...眼淚忍唔住湧出來...
另一方面又好擔心好友o既情況...但又驚打去佢未ready接電話...
最後就send SMS俾佢支持佢...同埋打電話俾佢男友...
留言話叫佢照顧我個好朋友...
縱使我未見過Antie...但佢係我最錫最鍾意o既好姐妹o既家人...
我對佢都產生一份微妙o既感情...even用電腦聽緊歌(2R的"我們的合唱歌")都想喊!
最終我用左個多小時先平伏到心情...咁o岩小Bean落黎3樓搵我
我地就一齊搬過303做野喇!當時我心情仲唔OK架!
不過有小Bean o既搞笑...加上我緊記阿Sor的話...
無論咩事都要完成placement最後一份功課...
所以我咬緊牙關...一邊聽歌,一邊同小Bean講笑,一邊努力做Self E...
由凌晨12點幾做到第二朝9點幾...差少少未做曬...
好彩下午2點前交...我就決定見完Gladys Lam(我personal tutor)先再做!
文章定位：
