(唔知大家睇過未,
係９８年１０月既號外,
我想打出黎同大家分享好耐,
但我打中文打得好慢,
今日心血來潮想練下打中文,
用左呢篇訪問黎練,
我覺得Sammi好坦白呀.
個cover我覺得影得好靚, Sammi好sexy,
我記得bun bun既bun bun's paradise 好似有cover張相,
我個scanner唔work所以scan唔到俾大家睇.)
被寵壞的女人---鄭秀文
題目是搶閘用的.
不久將來,應該是這個被寵壞的Sammi所填的歌曲 (下???Sammi有寫過呢首歌咩???). ----“我是好typical一個被寵壞的女人, 從小到大身邊的人都待我太好, 好到早已給寵壞的地步, 好想將這種感覺寫下來.”
第二次跟Sammi做訪問,在山卡啦酒店.這躺出奇地笑得有點累, 不能說Sammi少了點”星秀傳說”中的”星味, 卻來得比較簡單舒服, 一個自知被寵壞的女人. 想不到的是被寵壞的女人原來也好tough, 即使Sammi三番四次說她應該是唱”小玩意”的小女人. 想嫁嗎? 她說不. 妒忌嗎? 她說用不著. 不過做一個小女人比較輕鬆. 說真的連她的她朋友Josie也說她的意志力好強. 我相信這絕不是白說的, 四年前Sammi經歷的so-called低潮期已足證明一切.----“被雪藏的九個月, 也有不知如何是好的感覺, 怕會忽然失去之前所得刑的一切; 怕當年的”叮噹”已是人生的顛峰.” 結果, “我覺得自己無理由唔得. 好彩又比我搏到. 轉去華納以後, 覺得好舒服, 可以做自己想做的.”
在那個Sammi形容為似乎可以起飛的”叮噹”階段, 簽下經理人李進的確幫了她一把,----“但想深一層, 在這個娛樂圈發展亦不外天時, 地利, 人和, 他在事業上真的幫了我不少, 但還是那一句: 呢個世界上無話冇左邊個唔得.” Sammi你點會唔得?! 你一定得. 因為你身邊仲有一個非常重要既男人支持你.
在”好許志安”演唱會中有以下感動位, “我記得女朋友幾時生日, 我記得我幾時唔見左架車, 我仲記得去左邊間差館報失…還記得當天旅館的門牌, 還留住笑著離開的神態…”剎那間, 安仔唱”約定”似乎比明哥唱”暗湧”還叫人感動.----“別說是基於男女朋友的關係, 在歌唱事業上, 他教曉了我許多, 令我想通了許多. 又或者應該這樣說, 是互相令大家想通. 雖然他比我大幾年, 但我知道我偶然說的一兩句話會令他想通, 所以我們思想上很合得來.”
我好相信There’s someone you can always turn to的感覺好warm, Sammi話兩個人相處最重要是互相需要, 互相體諒,----“我不以為間中吵鬧可以增添情趣增進感情, 我覺得應該盡量少吵鬧, 懂得體諒自然能夠融洽相處.” 當然不能遺漏間中唱”約定”這類小動作.----“當你真正關心一個人, 時時都會掛住佢, 有時明知佢去左邊, 如果佢都會打電話黎講聲佢而家o係邊度, 同ｄ咩人一齊玩緊, 都會好開心 (安仔o係一個訪問講過佢會咁架!!!), 有時又未必要日日講電話, 不過這種情況比較少.” 總言之, 一切隨心.
即使在工作上, Sammi也是越來越隨心了.----“無打算涉足韓國, 日本之類, 更別說Hollywood, 現在的心態是想舒舒服服工作, 不會因為某種原因而刻意去做某些事情, 但每項工作也想盡力做到最好. 我覺得”受歡迎“是得到了, 但真正的尊重似乎還未夠 (我覺得宜家做到喇). 學友是個很成功的例子, 他受歡迎同時得到真正的尊重.”
再隨心一點的做法是讀書. Sammi一直對化妝非常感興趣, 如果可以拋下面前一切, 我大概會去學化妝, 甚至到外地做Makeup artist, 從頭做起也可以．
Sammi的長線目標原來是退休, 但期間的過程是不斷拼搏, 選擇了唱歌, 便期望可以盡力唱. ----“唱了這麼多年, 一切好像已settle down, 覺得是時侯多行一步, 做多一點幕後創作.”
期望這個被寵壞女人的曬命之作.
from--華納討論區
文章定位：
