Dear 楠,
唉,算把啦! 莫作棟永遠都係大家o既朋友!
我唔會承認呢個所謂結局,係我心目中呢套劇得廿四集架o者。
我有時都覺得我有需要聽多d 外國歌
基本上我唔抗拒,不過我又唔會特登去買o黎聽
我覺得西洋野同我唔係好o岩channel
東南亞野o岩我多d
至於香港歌,我反而覺得2004年好左好多wor
主要係阿paul出左碟,提高左水準,哈哈
最近要我推介o既歌係<生日快樂>(好似係swing o既其中一個人唱)同埋官恩娜o既地平線,PING PUNG d歌都唔錯ga。
其實人就係咁,好容易會習慣。慣左就會接受唔到新野。所要我地要keep 住refresh自己,因為我都唔想咁快老,哈哈。
今日我約個朋友食飯,佢唔得閒,因為要拍拖。
o個時個心真係有d 「那」住
一來唔開心係人有我無,二來係覺得我同佢o既距離越o黎越遠
如果大吉利是o個句,我將來結唔到婚o既話,而佢又結左婚生埋仔。
咁我地o既話題就會越o黎越少,我係佢心目中o既地位亦越o黎越低。
一個人過埋下半世,梗係得啦。
不過你身邊o既人個個結哂婚,有自己o既家庭。
無論係咩事都會係屋企老公行先,
你就會覺得好慘架喇!
點解係呢個世界上無一個人以我行先?
呢種諗法先係真正o既孤獨。
原來我都好在意人地點睇我同點對我。
raku pocari
文章定位: