嚮「暗黑破壞神 2 毀滅之王 中文版」中
有一隻俾英雄輕易一擊 ko 既邪惡小妖叫「沉淪鬼」
我諗哩個名字最適合我
所以用此來定篇名
(上圖係召喚死靈)
今日一早有幾位母親大人既朋友黎到屋企拜年
其中有位係基督徒
嚮母親大人既圈子裡，佢唔會傳教
不過佢似乎對我地有興趣…
於是番入房睇網上日記
咁岩 Joanne 又講有關天堂既野
以及佢對耶教既一 d 睇法~
關於神...(其實我應該避諱，我唔應該妄呼神既名…)
神俾好多機會我
佢安排我進入基督教小學
但我冇認識真理
佢安排我進入天主教中學
但我冇親近佢
我相信既係果 d 虛假既 不真實既 主宰
我思想既係 狂妄既 褻瀆神既 哲學
我所堅持既係 由充滿罪既人 既 過份自卑 而造成既 過份既 人的尊重
甚至比尊重偉大既神更尊重
到大學
神安排好多佢既兒女到我身邊做我既好好朋友
但我冇從佢地身上體會到你對我既憐愛
我只係一個臭賤既充滿罪既人
而偉大既慈愛既你仲一直咁眷顧我
然而我仲用自己既臭咀同一 d 似是而非既歪理去
反駁 你 坦率既 兒女 既言語
傷害 你 無邪既 兒女 既心靈
動搖 你 純真既 兒女 既信念
到左今日
你亦用盡唔同既渠道去令我找回自己
不致迷失
不致沉淪
但我始終唔拎情
偉大既全能既神
感謝神一直對我不離不棄
感謝神一直俾機會我反思…(又一次既狂妄…或者用懺悔好 d…)
唔唔…
即使哩個世界真係有神
我亦唔願意親近尊貴既神
因為我係自甘墮落既臭賤物
即使靈魂係神創造
而臭賤罪惡既身軀係臭賤罪惡既父母親大人創造
即使靈魂不滅
神永遠係創造我靈魂既人
而會腐朽既臭賤身軀係由會腐朽既臭賤既父母親大人所創造
我都唔會認神係我既「父母」
即使天堂係美好既家
即使地獄係罪惡與可怖既集中地
我寧願同甘心做隻惡魔或者更低等既被折磨者
都唔願意同唔希罕做天堂村村民或者更高級既純潔高貴既天使
我係企嚮魔鬼果邊既臭賤物
如同我既臭賤身軀
與狂妄既臭賤哲學
以及我迷失既臭賤靈魂
如果哩個世界有神
請仁慈既愛世人既神讓我死後離你有幾遠得幾遠
哩個係我對全能既你既唯一既乞求
願你對我既眷顧會變成對我既乞求既應允
天道無常~
剛好，母親大人那位朋友離開了，我亦完成我既日記~
補：當英雄用有 holy protection 既神授既榮譽之劍一野刺死沉淪鬼既時候
你地要諗起我哩隻沉淪鬼既命運
係永生既相反
永死~
文章定位：
