內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

阿凡達 (Avatar)

初頭電視賣行廣告都唔覺得套戲有幾吸引, 不過見朋友話套戲真係好好睇, 而且外間既評論真係好高, 最重要侄仔話套戲係3d架, 買dvd都睇唔到個一種感受........所以今日決定去睇依套戲...........

見屯門開左新戲院都未睇過, 今次就去屯門啦!! 估唔到套戲開畫咁耐, 仍然咁full, 6點幾去買7點幾場, 係就係趕左少少, 但係未至於要睇到第三行囉.....全院得番1,2行無人座, 其他坐都full哂......勁........

同老公食左個quick dinner, 之後去買小食入戲院慢慢坐依2個幾鐘, 戲票$100真係比你坐番夠本.........套戲唔錯, 如果可以坐後少少更加好, 全程個頭抬高睇, 又要帶3d眼鏡, 真係超辛苦...........

我鍾意個故事, 鍾意個男主角........鍾意個ending......但係未至於好似新聞咁要自殺去avatar生活囉.......

睇完戲逛左陣屯門, 返元朗小肥牛打邊邊, 其實係唔想返屋企......搵個地方hea下.......打邊邊最好架啦, 食少少野都可以坐耐一耐.......之後就去超市入貨..........打的的回家.............

曾經比朋友話過我有話度活躍症, 永遠出左街都唔願返屋企, 又或者行足一日街都精神十足, 可能我唔駛返工, 又習慣天光先訓....深夜先超精神......就連老公都投降唔夠我玩........

cool~~