2005-05-05 01:09:17| 人氣395| 回應0 | 上一篇 | 下一篇
推薦 0 收藏 0 轉貼0 訂閱站台

今天的分離是為了明天的重逢

記得係上一年個時候~
自己係qoos到~好唔捨得咁寫左一篇講自己大一既事~
好開心好開心~因為大一個一年我真係好開心~
學業上既開心~愛情上既開心~
一切都黎得好簡單~一切都好自然~好幸福~
所以我自己真係忍唔住係qoos到打左lee篇野~
記得係個篇野個到~自己講過~好希望下一年~大二~
我地既友誼會更加好~會更加開心~
今年熟既會更加熟~未熟既~有誤會既~都會做到朋友~
因為大家係同學仔~因為大家有緣先會走埋一齊~
不過lee個想法好似好單純~
係唔係只有我自己一個人先有咁既想法呢~
可能係啦~又或者~係我改變我一直係到擁有既一切~
今年我已經無可能再係qoos到寫我今年既感覺~
因為發生左太多野~太多野啦~

今年9月份開學~
自己抱住一份大一得到個一份感覺回到班房~
唯一有兩件事~一直係自己心裏面~
佢會唔會唔再返學呢??
佢會唔會因為事業而放棄學業呢??
學生會今年開始就正式由我地去搞~
會唔會搞到活動呢??
會唔會真係做到一個屬於學生既學生會呢??
不過自己都好想~好想過一年好開心既大二~
而咁~自己就開始左大二既生活~

上學期係一個好大改變既一個學期
自己為左個學會~一直東奔西走~
一直希望有機會出現~
一直期得活動一個比一個大~
好辛苦係一兩日之內搞左個迎新攤位~
之後開始同中醫診療中心合作~
再之後一齊搞左幾個活動~
識左大一既一班同學~
雖然當中有好多唔開心既事發生左~
好似自己感情上既問題等等~
自己心碎過~失望過~
不過因為有lee班同班同學仔~因為有lee個學會~
令到自己一點一點振作起來~
lee份感覺~好~幸福~
佢地一定唔知~
佢地係我自己女朋友以外~另一班人可以比到lee份感覺比我~

係下學期開始之前既假期~
自己遇到現在既另一半~
感情開始有一個新既開始~
唯一既問題~就係點去平均同佢和同學既時間~
因為~我都係第一次同自己同校既女仔拍拖~
所有野都係一個新嚐試~
自己都努力踏出左第一步~
但係~好似換黎一個自己都想唔到既結果~
因為要協調同佢一齊返學既時間~
自己係下學期開始左就已經再無好似以前一樣~
8點就返到去學校~
記得以前~我8點就返學校~
而且每一日都會買一份報紙~比個個同學仔一齊睇~
下學期之後就無左lee一幕啦~

自己同佢分開左之後~
自己生活時間都變返好似2年前咁~
好晚好晚先訓~
自己早上既精神差左~成日遲到~
本身上堂係我抄筆記抄得最快~
慢慢變成我要借人筆記抄~什至唔抄~
大口仔~開始係人地心目中改變左~
可能自己根本係學校既時間都少左好多~
所以有好多同學既批評~自己都唔知道~
開始聽到同學仔口中講~
大口仔唔同左啦~大口仔變左啦~
其實lee d我都知道~
不過佢地又明唔明白~自己係好努力咁活既每一日~
我自問~我已經好努力付出~盡量協調一切~
不過~有d野真係要改變~就一定要改變~
大口仔身邊既人已經唔同了~
一切自然有新既安排~
但他們好像好鐘意過去既大口仔~
對於咁~大口仔真係唔知仲可以講d咩~
我從來都無怪過自己班同學仔~
因為~事實~過去既大口仔係一個好值得懷念既大口仔~
我只可以同佢地講~
舊既大口仔已經死左~
係佢同我分開既一刻~就已經死左~
而家既大口仔係新既大口仔~
可能會唔習慣~可能連自己都未習慣~
不過~時間係停唔到下來~
即使世界上沒有了大口仔~
所有既人都依舊生活~
正因為自己明白lee一點~
新既大口仔先會出現~
如果因為lee個原因而造成而家既情況~
我~只可以歎聲無奈~

至有一d同學既自私~佢地既說話~
佢地既行為~自然已經唔想理~
試問~自己仲有冇能力去處理一切???
大口仔唔好既~會慢慢改~
有一d改變唔到既~我唔會理其他人講咩野~
至於別人既自私~自己自問~我太喜歡自己班同學仔~
每一個都係~即使自己唔識同佢地相處~
即使佢地令我心點痛~
我心裏面都緊張佢地~
大二係一年好差滲半既一年~
不過~人生不如意事~十當八九~
生活可以回到比較簡單一點已經係好好好好既事~
人生中又有幾多時間係十全十美???
我知道~所有大口仔既同學~
一定會記得大一個年大口仔~
而大口仔~都係同你地一樣~
大二最後既時間~雖然大家係分開左~
不過至少~心中依舊係掛住佢地~
重視對方唔一定要時時係埋一齊~
在乎對方都唔一定沒有改變~
比我係lee段時間好好改好自己唔好既地方~
比我係lee段時間好好協調好我既新生活~
大三~希望~有重逢既一日~




台長: 台長-大口仔
人氣(395) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

是 (本台目前設定為強制悄悄話)
* 請輸入識別碼:
請輸入圖片中算式的結果(可能為0) 
(有*為必填)
TOP
詳全文