南之私心事 很久沒有打日記了,各位賞面不妨看看呢!

38愛的鼓勵 0訂閱站台

尋日係8月5日......何穎妍大大生日!!

生日快樂啦~~~~~~~~~~~~~~~~~

哈哈!!!

 

5點半收左工...就去旺角接女朋友仔去街...

途中見到個女仔好似莫凱惠...

但莫小姐話個女仔唔係佢.......

 

之後我同女朋友仔就落左去尖沙咀...

本來諗住晏d先上去老豆度食野...

點知一落車勁大雨囉...

所以就上左去食野先!

 

上到去...叫左幾樣壽司食~

之後老豆整左d雞軟骨比我地食呀....

我地order 左d牡丹蝦...

但係好奇怪...牡丹蝦唔見左個頭既!

原來老豆特登留起左d蝦頭...

然後炸比我地食呀!!勁多「膏」呀!

 

因為落雨..我地兩個都濕左少少..

老豆0係廚房行出黎...

同我+阿儀吹左陣水...

之後阿儀掂到老豆隻手..

老豆話︰「做乜隻手咁凍架？」

 

然後佢就去四圍搵件衫比阿儀「褸」住!

最後終於都搵到~~~

企喺旁邊既侍應都喺度笑笑口呀~~~

真係一個好「老爺」!!!

對「家嫂」咁好!!哈哈!!

 

然後感覺到冷氣細左好多....

應該係d侍應刻意較細左....

 

所以有時上老豆度食野其實好開心的!

加上d侍應都認得我地..所以招呼好好...

 

食完飯...就返旺角啦!!

 

送左阿儀返屋企之後...

喺聯合門口等118返屋企....

等車既時候....企喺前幾個位有對情侶....

個接近170磅既女仔箍住個只得120磅左右既男朋友條頸...

問佢︰「你愛唔愛我唧？」

個男仔︰「愛！」

 

我同前面另一對情侶喺度笑笑口...

可能大家心諗︰「如果個男仔答唔愛...咁佢咪比個女仔箍死？」

哈哈!!