- 星期四 -
一袋六個的蒜蓉包, 吃了四個~
蒜蓉味, 脆脆的, 很好吃~
絕世好賓都幾好睇, 故事都幾有意思~
哈哈, 劉青雲扮賓賓真係好好笑, Gigi就靚左好多~
夜晚已經開始做左電視精了...
林峰+楊怡, Ada+黃子華的莫作棟~
再加上學到野既Esso今日教路~
哈哈, 睇到唔想郁...
Icq有人話去數數目...
數咩?! 真係唔知...原來係Days~
咁有心呀...有點兒感動...
- 星期五 -
一早起身落大雨但都唔可以改期...
又係六號既一日, 冇錯, 今次可以用個"又"字...
因為"又"代表不只兩次或以上!
影新工作証...尖咀冇人影, 仲比個"石Q"趕!!!
今次既工作証都幾靚, 嘻嘻, Thank You~
下大雨, 兩個月前的一日又係落雨...
哈哈, 落雨有時都幾好呀~
唔多帶傘的我今年把傘只開左兩次...
兩次都係...啦啦啦~
落大雨同女友行左去Starbucks度避~
我倆都濕透了...
一路睇Monday一路飲野, 都幾寫意架~
始終都係喜歡一小堆人一齊飲野~
飲飲飲, Hea到四點幾就行左去呢個文化中心度食野~
真係估唔到妳都會食油雞燒味之類既食物!
飽飽的行了一陣, 點解次次星期五的尖咀海旁都咁多人既?!
唔使番工架咩?! 自由人?! 雙失?! 學生?!
哈哈, 在海旁...我倆開心+舒服地傾閒計~
咩都講, 咩都傾...好無聊好無聊都講...
或者...就是這樣已經好足夠了~
實在實在太多人的, 結果我倆行到文化中心的"二樓"~
我倆又再次舒舒服服的...^.^...*10次!!!
Thank You...多謝...開心~
六點幾去左書局買完書就踏8A了...
今次的8A...哈哈...司機真醒目!
番屋企時係度諗...
唔知妳可唔可以"自由戀愛"呢?
或者已家仲未係時候...始終未穩定...
希望可以啦...因為我倆既性格都適合!
回家吃飯...嘩...雞, 帶子, 魚...非常豐富!
吃了差不多全碟的東瓜, 哈哈, 真係好好味~
夜晚睇無記既綜藝節目...
Kelly唱歌就真係唔係幾得, 唉...咩野Phone殺令鎹...唉...唔掂!
前果排ShakeShake都娘...唉, 今次個首仲娘...!
Edmond既新歌八里公路真係好好聽~
Cookies有一位成員著短牛仔褲, 露左褲袋, 爆娘!!!
另一位成員仲要夠膽著一條好好好普通既牛仔褲!!! 擺明冇銀買衫!!!
梁漢文 - 八里公路
的士車廂裡 儘管挨近你
心知擠迫得 你喘不過氣
未去到結尾 並不知相戀這段路太短
沿路數十里 怎麼刻骨銘記
任我再接送你 你邊走邊嘆氣 原來白費心機
繼續愛你令我自卑 也許愛到最遠 我們只得八公里
還可以 纏繞你 幾公里
難為我 容忍我 都是你
捱夠未 捱夠未 一路自虐至死 仍不肯放低你
從今起 離開你 幾千里
行兩步 捱兩步 但求為你 就放下你
司機怎講笑 亦不懂再笑
咪錶好比心跳 不可再跳
讓你我見證 幸福的風景一寸寸變小
回望倒後鏡 自己都不見了
習慣每晚接你 滿街燈色太美 為求做你司機
看盡處處是紀念碑 我竟閉上兩眼看成這一世福氣
文章定位：
