~ KIT的日記 ~ 熱愛足球!!

2愛的鼓勵 0訂閱站台

今朝7點幾起身~
搞掂晒就返學,今日返青衣~
上完英文堂就走得la,下午要上電腦堂,中間有段時間~
返屋企hea下,阿銳上左黎我屋企...lunch一齊食麵la!!
2點幾就返去李惠利上電腦堂la,好快就搞掂~
5點幾就同阿銳,阿生,kenneth同阿bee落九龍城等架車~
因為阿生今日租車...條友遲左差唔多成個鐘先黎~
搞到全世界都等我地,我坐係阿生隔離磅住佢揸車...
今日有5架車出黎玩~
不過有幾野都幾驚下,講到我都炆炆地~
入到去大埔工業邨行錯路,兜左陣終於搵返條路繼續入大尾督~
係燒烤王bbq,廿個人出席...燒燒下就同肥智佢地揸車出去行左陣~
燒完就齊齊出發去西貢食糖水,krol哥揸車入黎搵我地~^^
食完就散水lu...同阿生送d人返屋企先,之後再繼續我地下半part活動~
搞掂晒就約左係阿生屋企樓下等,阿bee,kenneth同krol~
之後就周圍兜下,去到清水灣...走果陣都4點幾5點lu~
阿生車我返屋企,我自己揸熟路當然會快d la...
不過都要kenneth帶返我去旺角果頭先,就係我揸緊車果陣就出事la~
去到大角咀果條天橋,我因為要cut線,唔cut就行錯~
巴士係我隔離,我快過佢之後cut埋去,之後聽到"boom"左一聲~
左邊車身彈左一彈...勁驚,不知所措~
諗勁係爆左呔定係個bumber撞爛左...
但係條路得一條線,我停係度後面d車就會塞死晒~
唯有繼續行住la,出左條橋就3號幹線,我心急搵地方停低,繼續行...
feel到架車真係頂唔順,見到影子線即刻停係入面落車睇~
原來爆左呔...條ling仲要淆左dd tim~
心情跌到落谷底,果陣係零晨5點幾~