23 Sept 2005
今日補完習就返荃灣食飯
今晚約左北記、鵝B、王詩慧、雞姐同潘海寧 ^o^
上次miss左佢地既gathering
今次先係我返黎之後第一次見佢地
一年冇見, 大家都冇乜點變
都係咁靚~~~ hoho~~!!
仲有一樣冇變既係....
我地又「成功」成為全場最嘈既一枱!!
哈哈哈哈哈~~~~~~~~~!!
我地仲喺短短2個鐘既飯局中
得罪左相信係全間餐廳既staff.....
事件一:
我地食完一輪都好似未飽, 再叫第二輪
原本我地一枱6個, 當2個去左洗手間, 1個未黎之際....
雞姐、王詩慧、高妹正在閒談
侍應哥哥: 請問你地d野到齊未?
王詩慧+高妹: (一齊)未! (個「未」字係講到冇尾音架囉, 但我地講完先發覺...)
侍應哥哥無癮地走開....
事件二:
第二輪等左好耐都仲未上菜, 我地追單...
鵝B: 唔該... 我地D野食好耐都未到呀!
侍應姐姐: er..... 你地叫左d咩架??
我地數哂俾侍應姐姐聽, 侍應姐姐check單, 之後..
侍應姐姐: 入左單架喇... 可能d野食仲喺廚房....
鵝B: 下?? 咁做咩仲唔拎出黎呀??
眾人爆笑!!!
侍應姐姐: (無奈地說) 佢地仲整緊.... 好快有....
--> 鵝B..梗係未整好先唔拎出黎啦... 侍應姐姐好慘....
事件三:
我地食得七七八八, 剩返d野我地分埋佢
北記分得一「住」烏冬喺碗度
同係事件一既侍應哥哥, 冇幾耐就走埋黎收我地既碗碟筷
一收就收左坐門口既北記對筷子
但佢個碗仲有野食
北記: (突然說) 你收左我對筷子咁我點食呀?
侍應哥哥超慘+超級無奈...
雞姐: !! 我俾我果對你喇!
--> 北記... 使唔使咁真呀????
加上我地冇留低一毫子tips
仲有係全場最遲走
走果陣..d staff望住哂我地.....
我地每次出黎都係咁嘈
好多好多野要講, 講極都講唔完
轉場去Paris飲野飲到3點返屋企
喺Paris... 依然係最嘈既一枱.......
不過真係超爆笑架!!!!
是夜我地數哂當年7A全班同學既學號同中文名呀!!!
勁!!!
很高興的一晚!
But I miss the chance to talk with my Sor B.. :(
文章定位：
人氣(10) | 回應(0)| 推薦 (
0)| 收藏 (
0)|
轉寄
全站分類:
不分類
