2020-10-13 09:32:35| 人氣149| 回應0 | 上一篇 | 下一篇

《台語日常》罔聽當做修養

推薦 0 收藏 0 轉貼0 訂閱站台

發財仔車賣果子的查埔人手比紙枋頂的字,講時計果(百香果)俗賣;一袋原本賣百二,這陣賣一百就好。我心內想,價數你家己訂,紙枋你家己寫;是毋是俗賣,啥人知。不過,猶是買一袋。

伊那找錢那講,「我今仔日才有來賣,昨昏去上課。」

上啥課?伊講《易經》。

「哇,《易經》真歹讀呢。你是欲學算命抑是欲看風水?」

伊講毋是,罔聽當做修養。「聽無,嘛無要緊,老師講人有來,靈魂有感受著就真好。」

這款講法有說服著我,人佇氣場好的所在,心情會較安定,一定也會吸收著靈氣。

我也相信念力。

逐早起,我做拜日式,腰脊骨沓沓仔(ta̍uh-ta̍uh-á,緩慢地落去的時沓沓仔起身直的時,我頭殼內會想著我的龍骨一節一節落去,一節一節起來。想甲遐爾hiah-nī,那麼)明白,親像看著恐龍的腰脊骨呢。若袂記得按呢想,身軀就無運動過後的鬆軟,心情也較差。

所以,我相信賣果子的查埔人也有自上課得著修身的效果。退一步想,伊愛共人講起家己咧上易經,也是因為有光榮感。人有光榮感,生活較有意義,也較會認真做好人;無定著賣物件也較實在,袂隨便唬人。

《自由時報》副刋2020.10.13

 

台長: Liu 靜娟
人氣(149) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 台語文作品 |
此分類下一篇:《台語極短篇》這是假的
此分類上一篇:《台語日常》買豆腐無?

是 (若未登入"個人新聞台帳號"則看不到回覆唷!)
* 請輸入識別碼:
請輸入圖片中算式的結果(可能為0) 
(有*為必填)
TOP
詳全文